黑色旅遊警示-min

應對朝鮮半島發出 黑色旅遊警示

依家朝鮮半島戰雲密布,如果今日「太陽日」,亦即係金日成冥壽當日,北韓真係核試,都可以肯定韓戰會再起。當中國嘅flag carrier中國國航都取消北京來往平壤所有航班果陣,依家保安局仍然不為所動,簡直不可思議。

必須對南北韓發出 黑色旅遊警示 嘅理由

對北韓發出 黑色旅遊警示 幾乎係必要,因為北韓無任何跡象終止核試,中國嘅經濟制裁一啲阻嚇作用都無,既然係咁,老母炸彈或戰斧導彈出現喺北韓上空只係遲早問題,光係呢方面戰爭風險,香港人 已經完全無去北韓嘅理由,發出 黑色旅遊警示 係必須。而且,呢個做法,亦都可以視為進一步配合現時北京嘅經濟制裁,所以我完全唔明,點解保安局係完全零動作,呢個根本係匪夷所思至極。

同時對南韓,至少漢城以及仁川一帶發出 黑色旅遊警示 亦係必要,因為一旦美國真係攻擊北韓,等於韓戰再起,而仁川國際機場其實係極之靠近北韓,如果出入漢城嘅客機被北韓攻擊,導致大量旅客被迫改由釜山,或喺金浦機場經日本或濟洲島離開韓國,我幾乎可以肯定,以依家仲夠薑去韓國果啲香港遊客嘅水平,一定得個膠字,揸BNO/BC仲好啲,英國使館會幫忙,但揸特區護照果啲,我真係留名睇硬膠,與其依家得個亂字,不如儘快發出黑色旅遊警示,至少唔好咁多人喺漢城(首爾)先。

依家係有香港人喺北韓,英華書院竟然有團去北韓,我唔知邊間旅行社搞呢啲團,但依家教育局果個barcode頭,唔該出嚟下令果個團嘅人儘速返嚟,坐高麗航空啲班機都要儘速返嚟,因為平壤已經十分之肯定係危險城市,而美軍空襲係無眼,最怕係當中有美、加、澳、紐等國國民,甚至連揸特區護照果啲,都被金正恩攞嚟做人肉盾牌,我果陣真係無眼睇,大家要記住一樣嘢,金正恩既然夠薑喺大馬隊冧自己嘅哥哥金正男,就乜嘢都做得出,你仲當金正恩係有人性嘅,我只能講你真係太傻太天真,所以喺平壤嘅香港人,係必須儘速離開。

如果特區政府唔撚做嘢,我就自己呼籲香港人,喺漢城嘅,唔該提早返香港,或儘快向釜山方向撤退。金正恩遇上侵,乜都會發生。

發表迴響

你的電子郵件位址並不會被公開。 必要欄位標記為 *