黃毓民-min

黃毓民 退出政壇論功過

黃毓民 宣布退出政壇,但咁重大嘅消息,熱血時報竟然無出facebook post,人情冷暖,真係佢自己知,雖然我仍然唔排除 黃毓民 有可能食言,復出從政。但姑且信佢一次真係退咗,評論呢條友喺政壇八年嘅功過。

黃毓民 依家退出仲叫醒水

黃毓民 未完全搞臭個朵至退出,佢仲叫有番啲政治判斷力,不愧佢係做時事評論出身。 黃毓民 由當選議員至今,佢令泛民不斷陷入內鬥之中,訓練一大堆龍門搬運專家,由社民連到熱血,都係佢啲搬龍門大法嘅徒子徒孫,佢係呢方面對香港嘅損害,真係同梁振英根本係同一個level, 黃毓民 至今未向香港公眾道歉,呢條友依家被懷疑唔係真心退出政壇,呢樣嘢都係佢成日搬龍門自己攞嚟,搬龍門一代宗師,呢條友真係當之無愧。當然,佢從政期間,搞到香港反中共陣營分裂完分裂,以為搞民主可以靠互屌同屌票達成,呢種罪責,都係一定要數到佢嘅頭上,當然,一個講出民主派沒有分裂嘅本錢嘅人,實際係咁搞分裂,都算係香港政壇一大諷刺。

黃毓民 另一樣被人鬧爆嘅事,就係叫啲年青人有勇無謀咁樣「抗爭」,好多人被佢老點仲以為自己好型,有幾多年青人被佢教壞而累死,好似言某咁,我係唔妥言某,但依家熱血有邊個可以認真幫喺獄中嘅言某?言某重返社會果陣,又有邊個可以幫佢?光環自己攞咗,之後可以拍拍屁股走咗去, 黃毓民 唔好講到自己咁瀟灑至得架。

當然, 黃毓民 讀書夠多,文采同演繹技巧,喺香港政壇都係頭幾位,佢喺立法會嘅發言紀錄,始終係香港嘅重大文化資產嚟,如果作為文人,佢嘅貢獻叫做唔錯。

只不過,佢嘅退隱宣言,有兩句係啱嘅,佢臨走都仲講要走得光采,有啲嘢,佢比香港好多搞民主嘅老屎忽,如鄭家富之流相對乾淨啲,包括:

「江山代有人才出,一代新人換舊人」,香港政治現正處「世代交替」的時刻,像我們這些「嬰兒潮世代」的人,不應阻擋年輕人的前路。

「基於政治倫理,我決計不能與梁或游去爭奪一個原本屬於他們的議席。」

「休養生息不是退卻,在沉潛期間可以更加堅定信念;莊敬自強,處變不驚!時間在你們這一邊!」

呢三句,足以令黃毓民嘅退出不至於光榮,但亦未到完全晚節不保嘅地步。

發表迴響

你的電子郵件位址並不會被公開。 必要欄位標記為 *