韓戰-min

韓戰 可能再起嘅理由

相信對好多人嚟講, 韓戰 近日再起,可能係匪夷所思,雖然法理上, 韓戰 係未結束,縱使中華人民共和國已經加入聯合國,甚至大韓民國已經同中華人民共和國建交,甚至呢次 韓戰 ,詭異地,中華人民共和國、大韓民國同美國可能係同一陣線,對住北韓作戰。喺呢個時候, 韓戰 可能再起,除咗係因為特朗普嘅話打就打性格之外,北韓嘅困境長期唔受解決,都係一個原因。

共產黨搞唔掂附庸國而引發嘅 韓戰

其實北韓問題,早喺十年前左右,已經大家都知必須解決,一方面金正日係咁用核武嚟換中俄援助唔係辦法,另一方面,金正日健康其實都已經差唔多夠鐘。但最大鑊係,中國共產黨管附庸國嘅技巧,連大清帝國都不如。大清帝國果啲藩屬,好多只係想攞威,就算附庸國如朝鮮王國,內政一般都係當地自理,大清帝國只係要個朵,同酌量保護費咁解。但如果附庸國內部太亂,大清帝國都唔會坐視不理,只不過,北韓以附庸國嚟講,中國都夠膠,中國又要撐住佢,但又控制唔到北韓內政,金正男喺中國另一個附庸國馬來西亞內被殺死,就更加顯示中國喺北韓嘅名義宗主權根本係唔存在嘅,但中國又無法扶起北韓人嘅生活同經濟,結果咪搞得依家咁嘅局面,就係只要長白山同鴨綠江歸中國控制,中國任由特朗普政權打柒金正恩。

而金正恩喺絕望嘅時候,亦會孤注一擲,因為無理由有核武唔用真係顯示實力,賭一鋪都好。我相信金正恩未必有將導彈打入南韓境內嘅實力,有可能未發射就已經被美國嘅戰斧KO咗,但金正恩有無恐嚇中國嘅實力,金正恩手上嘅核彈綽綽有餘,只要金正恩求其亂炸中國東北是但一個邊境大城市,都可能令中國要對北韓讓步,因為已經釀成重大損失同災難。但有可能因此中國被迫出兵北韓,只不過,一旦中國要佔領北韓嘅話,又點回應南韓政府同人民對統一嘅訴求,呢啲一切都無無解。我可以講,中國嘅不作為,已經令中國自己陷入一個戰略上無法抽身嘅局面。

但可以肯定係,喺4月15日之後,去南韓旅遊風險係十分之高,因為金正恩已經係一隻窮巷嘅狗,去玩去南韓,真係有搵命搏嘅成份。

發表迴響

你的電子郵件位址並不會被公開。 必要欄位標記為 *