旅遊書-min

借 旅遊書 有乜問題?唔睇果啲書仲大問題

今年財政預算案審議果陣,議員問官員啲問題,有唔少令大家發現好多有意思嘅嘢。香港公共圖書館最多人借係 旅遊書 ,係食玩買終極天書果啲書,好多左膠思維嘅人,立即口誅筆伐借呢啲書嘅市民。 旅遊書 嘅內容或許會outdate,但呢個結果係唔係咁差,我又唔係咁睇。

借 旅遊書 嘅人反映咗啲乜

  1. 肯買食玩買終極天書一類 旅遊書 嘅人,你可以批評佢懶,但至少對生活質素有番啲要求,如果十大最多借出嘅書,唔係日本食玩買終極天書,而係啲政治洗腦書,例如《熱愛張曉明》、《張曉明是香港的紅太陽》、《梁振英語錄》果啲,你仲撚驚。依家有咁多香港人借日本食玩買終極天書,證明中共喺香港搞仇日煽動無乜市場,唔怪得有仆街要出南山七小福。
  2. 亦有可能係,依政府買書政策,根本無書借得落手,政府買嚟買去都係啲殘體字書,俾你都寧願去借 旅遊書 好過喇。有無人由圖書館嘅藏書政策,去睇番成個問題?
  3. 如果肯買 旅遊書 ,對吃喝玩樂有要求,反而無咁容易係咁買啲契丹劣貨,就覺得無問題,呢幾年香港政府同商界越嚟越hea,因為好多人對消費質量無要求,如果有要求,中國啲劣質蔬果一早執咗笠,啲地產商仲敢係咁引劣質貨品。呢班友,真係打錯晒啲對象。
  4. 有樣嘢,香港啲所謂進步人士,知識分子都好有問題,就係自己就好講生活享受(好多左膠都好有生活享受要求,比我更小資),但要求群眾要做清教徒,呢樣嘢錯到離晒譜,作為從政者,自己係應該以清教徒自居,甚至本來係富豪,都要過番平民嘅生活,好似本身勁有錢嘅前紐約市長彭博,就係以身作則,自己每天坐地鐵返工,雖然佢根本不愁名車。相反,群眾有乜嘢物質慾望,想食好啲、住好啲、用好啲,有乜問題?係點樣令消費本身作為追求品味,甚至養起做傳媒、藝術創作果啲人,至係真正課題。但香港啲左膠,都係果套聯合航空嘅服務原則,我擊敗唔到競爭對手,所以我打柒啲客,呢件事,同樣反映呢種我要打柒啲客嘅原則。

市民都係人,蛇齋餅粽,吃喝玩樂,都係人類生活慾望嘅一種,有乜問題,黃仁宇都有好勇(追求名譽)、好色(追求性慾)、好貨(追求財富),嚟講出歷史各類革命背後嘅根本命題。所以呢度都會抽啲篇幅,除咗講民生,亦會講吓食經,講吓旅遊經,甚至消費心得,只有屌票黨,至於否定人性,共產黨之所以變態,都係否定人性。

One thought on “借 旅遊書 有乜問題?唔睇果啲書仲大問題

發表迴響

你的電子郵件位址並不會被公開。 必要欄位標記為 *