MOAB-min

美國動用老母炸彈 MOAB : Trump 宣示啲乜

美國無預警之下,用 MOAB ,將英文俗稱 Mother of all bombs 用香港語文譯得粗俗啲,可以老母炸彈,將21000噸H6炸藥投喺阿富汗山區IS嘅山洞系統,係原爆以嚟,喺實戰上使用最大TNT當量嘅常規武器。

美國點解要用老母炸彈對付DAESH

美國使用得果十幾粒嘅 MOAB ,當然唔係貪呢隻炸彈嘅名粗口味濃,而係 MOAB 不單可以提供強大嘅爆炸力,仲會大量燃燒當區嘅氧氣,所以唔只高爆炸力可以破壞地洞網絡,仲可以一併殺傷喺爆炸地區附近嘅DAESH士兵,不論係強大嘅衝擊波,定係大量燃燒氧氣導彈嘅窒息等等。呢次可以講係,2003年呢種炸彈成功研製以嚟,第一次實戰上嘅驗收。如果效果良好,我相信美軍一定會補貨,而世界各國,亦會加強使用同引入,呢種唔係核武,但殺傷力一樣相當驚人嘅炸彈,對好多唔可以擁有核武嘅國家,呢種老母炸彈其實係十分之實際。

當然,美國出動 MOAB ,代表美國係已經對DAESH全面宣戰,亦強調咗美國作為世界警察嘅決心,以往奧巴馬唔敢做嘅嘢,特朗普一次過做晒,相信世人好難再輕視特朗普喺鏟除DAESH嘅決心同毅力。至少依家特朗普實施travel ban,亦真係有軍事上考量,因為美國堅打算對呢啲恐怖分子全面宣戰,絕不姑息。差唔多核武器以外最強大嘅武力,都會用嚟對付恐怖分子,絕對唔講得笑。

而美國出動老母炸彈對付阿富汗,同樣嘅,老母炸彈可能會應用喺朝鮮半島,對付北韓埋喺地底嘅核設施,因為老母炸彈係用C-130大力士運輸機,可以部署喺本州岩國海軍陸戰隊基地之上,只要北韓上空制空權得到保證(基本上係中國話事),美國要用老母炸彈炸平北韓啲基地係唔難,呢次亦可以講係,對北韓其中一次重要嘅展示實力嘅機會。至少北韓要諗清楚,美國未必用核武鏟平你北韓,只不過要放幾舊老母炸彈炸到你北韓啲基地爛晒,都唔係無呢個實力。特別老母炸彈有GPS引導,加降落傘,準確率高,又可以高空起爆,用核武一樣,你都咪話唔係對北韓嘅實際威脅。

發表迴響

你的電子郵件位址並不會被公開。 必要欄位標記為 *