特朗普-習近平

習近平 用北韓換人民幣匯價穩定

喺 習近平 訪美之後,朝鮮半島局勢急速惡化,中國、大韓民國、美國、日本聯手夾扁北韓。令人有興趣知道, 習近平 喺敘利亞食咗五十九枝導彈之後,究竟用咗乜嘢,換嚟美國唔當中國係匯率操控國,令支爆嘅時間有可能得以推遲。答案其實依家好清楚,就係北韓。

習近平 將北韓垃圾當籌碼用

北韓雖然好麻煩,但中國一直要保住北韓,因為北韓國境實際上扮演中國同美國之間嘅戰略緩衝地帶,特別要守住長白山同鴨綠江,唔可以令中國陸軍喺無地地屏障下直接同美國接攘,呢個係關鍵,呢個係毛澤東當年出兵大韓民國,搞出北韓呢個人類地獄幾十年嘅原因。當然,中國一直以嚟幫北韓嘅條件係,就係北韓要受中國控制,至少依家要受 習近平 控制。但金正男喺馬來西亞呢個中國嘅附庸國被殺後,中國已經好懷疑仲有無理由去守住北韓,而敘利亞果五十九枝Tomahawk,更加反映美國好有決心清理北韓,喺呢個情況下,只要美國俾一個好嘅terms,中國就會將北韓呢舊垃圾當籌碼用,賺番咁多年嚟喺北韓嘅「投資」,而對 習近平 嚟講,美國唔好再迫人民幣升值或貶值,遲緩支爆嘅速度,呢個已經係好重要嘅嘢,所好可能中國可以保住鴨綠江同長白山控制權之下,任由美國同大韓民國聯軍打柒北韓,甚至佔領北韓,呢個亦係點解中國咁鬼積極,要同特朗普政府合作搞北韓嘅原因,包括切斷北韓最重要嘅煤炭出口呢條水,只要中國得到想要嘅嘢,而又唔可能派人隊冧金正恩嘅情況下,中國任由美國同南韓隊冧金正恩,換番佢自己想要嘅嘢,變得好合理。

當然,北韓亦唔係傻,尤其係金正恩,金正恩係癲佬,但數口有番咁上下精,北韓固然好可能會攻擊南韓,特別係首都漢城,畢竟漢城係兵家必爭之地嚟。但另一方面,金正恩為報復中國嘅出賣,會唔會任由難民大量湧入中國境內,甚至用核武對付中國,攬住一齊死就好受關注,雖然依家北韓核武試射地點,多數喺東面咸鏡道一帶,但如果北韓將咸鏡道嘅導彈,射入中國東北嘅大城市,一樣可以搞出一鑊泡出嚟(要攻擊北京或天津難少少)。

發表迴響

你的電子郵件位址並不會被公開。 必要欄位標記為 *