屌票黨-min

屌票黨 同聯合航空一樣荒謬

我唔知幾時,香港啲政客竟然興屌柒啲選民,俗稱 屌票黨 ,由熱普城亂咁屌人係港豬,到左膠同自決派係咁屌薯粉,總之選民嘅意向,唔符合班聖人嘅預期, 屌票黨 都可以出手係咁屌人, 有可能香港最大嘅政黨,其實就係 屌票黨 。

懦夫至會做 屌票黨

呢篇文跟住果張圖,係美國人寸聯合航空嘅改圖嚟,用香港語文譯係,我地打柒唔到競爭對手,所以我地打柒啲乘客。當然係諷刺聯合航空果啲差到無朋友,澳洲牛奶公司級嘅無差別劣質服務。但依家 屌票黨 一味只係識鬧選民「唔反省」,但自己又唔反省自己嘅策略有幾差,咁同張圖所講嘅經營方式有乜分別,當自己打唔柒薯片,就打柒啲薯粉,大家有無覺得熱普城同左膠,其實都好適合加入聯合航空公司,因為佢地啲行為同思維方式都完全係一樣。

其實點解會做 屌票黨 ,證明呢啲人都係一啲懦夫,佢地無好好面對點解選民唔支持自己,因此就諉過於選民,一句講晒,就係自己天下無敵,全世界人都係爭咗佢地,以為一切都係老奉嘅,呢個正係 屌票黨 越屌啲票,啲票越走嘅問題。熱普城果班仆街點解死,我無謂教精佢地,但左膠點解死,其實都係幾清楚不過,就係偏離一般平民百姓嘅生活方式。佢地以為佢地好了解民間疾苦,係社會嘅解放者,事實上,佢地對個社會實際運作,同基層實際想要嘅嘢一無所知,佢地對自己嘅一番苦心無人感謝覺得受傷害,所以就走去做 屌票黨 ,屌鳩啲基層,屌鳩啲市民。佢地並唔係真係信奉民主,甚至佢地為咗達致自己諗住嘅烏托邦,可以無惡不作,奧姆真理教可以用沙林毒氣想毒死東京市民,而呢班左膠 屌票黨 ,就可以無視中文大學一直以嚟嘅聯邦精神,走去用全民投票想DQ由書院選出嘅代表會代表,仲要好多人聯署果陣,其實唔知自己係聯署一份全民投票嘅聯署,代表會選委逐個打電話果陣,好多人至知原來係聯署緊一份咁大鑊嘅嘢,啲左膠仲要扮晒可憐。

所以嚟緊嘅選舉,大家可以好放心去清理 屌票黨 ,我們並唔想啲政客,用聯合航空或澳洲牛奶公司果種態度去服務市民或搞民主,香港人並無被虐狂,我們唔想做 Dr. David Dao。

One thought on “屌票黨 同聯合航空一樣荒謬

發表迴響

你的電子郵件位址並不會被公開。 必要欄位標記為 *