曾俊華-田北俊-曾鈺成-min

曾俊華-田北俊-曾鈺成-結盟構想:執行嘅問題

田北俊提出3JT聯盟, 曾俊華 同曾鈺成再加田北俊結盟,參與有可能因DQ官司而嚟嘅補選。但係DQ官司受害者游蕙禎同梁頌恆兩位國會議員都未出聲,羅冠聰(香港眾志香港島國會議員)已經多多聲聲,似乎呢班友未知 曾俊華 領軍推薦年青人同盟執行難度,同埋選民依家係有幾憎白票黨。

中聯辦寧願白票黨都唔要 曾俊華

其實呢個3JT聯盟,對中聯辦嚟講係好麻煩,因為呢股中間力量涵蓋獨派、親英派,淺黃、溫和DAB、淺藍,呢股力量如果興起,中聯辦仲有飯開嘅,中聯辦一定寧願左膠大勝,都唔要呢個3JT聯盟大勝,所以單係中聯辦動用其機器,狂打 曾俊華 結盟人士呢一點,呢個聯盟就唔易操作,但對泛民一定有一個莫大好處,就係鎅鬼晒民建聯同自由黨啲票,呢個泛民喺戰略層面唔係應該樂觀其成嘅咩,點解第一槍竟然係自決派班友出嚟打,自決派究竟依家班友變晒政壇塔利班,搞政治原教旨主義活動,定係自決派有某位金主,無法埋 曾俊華 果堆,自己懷恨在心,所以以為自己放冷槍好醒。

但依家自決派自己衝出嚟柒,我可以講,好大機會佢地自己承受衝出嚟柒嘅結果,因為本來好多薯片黨人,已經對自決派同左膠果種傲慢態度感到好火滾,依家又衝出嚟柒,結果就係DQ官司不單要好大機會純粹靠法官仁慈嚟過關,由於得罪晒啲淺黃,深黃、親英派、獨派,如果梁美芬真係做局長,佢地自己繼續投游蕙禎,但其他人全部投晒薯片黨,你劉小麗嘅政治生涯一定玩完。新界東,梁國雄果席固然保唔住,但好可能係羅永聰同梁頌恆全席兩席。本來左膠已經係政治劣勢,但依家左膠衝出嚟柒,反而令3JT聯盟變得更具操作性,除非田北俊蠢到仲要攬住李梓敬呢條仆街,如果「年青人」係指李梓敬,咁唔好意思, 曾俊華 點幫都幫佢到,因為李梓敬根本係一個傲慢而乜都唔識嘅盲毛,你睇佢係「假難民」問題度有幾白痴就知,但如果由 曾俊華 辦公室嘅人出戰,其實係有番一定贏面,畢竟佢地喺政府多年,相當之熟書,議會係需要一班熟內部運作嘅人,去挑林鄭月娥政府機,唔係吓吓都要我黃世澤做埋draft bill果條友。(以平民嚟講,我已經係有一條法例修訂(停車熄匙酷熱天氣豁免),一條附屬法例(限奶令),小巴加座位如果過埋,我有一條主體法例,但我連議員都唔係。)

發表迴響

你的電子郵件位址並不會被公開。 必要欄位標記為 *