聯合航空-洛杉磯時報

聯合航空 對住白人乘客爭啲用手扣

當好多垃圾嘅民族主義香港傳媒,仍然將 聯合航空 用武力對待Dr. David Dao事件定性為種族歧視果陣,美國《洛杉磯時報》( Los Angeles Times )已經報導,曾經有一位白人乘客,仲要係頭等嘅,爭啲被人用手扣扣住手趕落飛機, 聯合航空 作為航空界嘅澳洲牛奶公司,係完全唔講得笑。

聯合航空 確實係對乜嘢客都一樣

我依家用成單point form,簡單介紹一下Geoff Fearns嘅案情

  1. Geoff Fearns係一間管理五億美金退休基金嘅經理
  2. 佢去夏威夷開會
  3. 佢有急事要急急返洛杉磯,用全價(full fare),用一千美金,買咗張由夏威夷返洛杉磯嘅頭等機票。

呢條友,應該係左膠或中國民族主義膠眼中嘅十惡不赦資本家,因為佢係萬惡嘅fund manager,白人,仲要有米到買頭等機票。仲有,呢單最膠喺呢個位:

He boarded the aircraft at Lihue Airport on the island of Kauai, took his seat and enjoyed a complimentary glass of orange juice while awaiting takeoff

喺頭等連橙汁都飲埋,至被人話要安排更優先嘅乘客,趕佢落機,條友唔肯就範,爭啲用手扣扣佢,結果喺夏威夷玩咗六個鐘。呢位經理條氣唔順,搵咗律師寫信俾 聯合航空 ,要求全數退款,以及捐兩萬五千美金俾慈善團體,好合理嘅要求, 聯合航空班仆街居然只係寫封信道歉,同埋送咗五百美金credit咁大把。

呢件事,Geoff Fearns 變咗方丈,佢無遇到有人拍片,但喺 聯合航空 事件後,搵洛杉磯時報數臭 聯合航空 ,當然,我要多謝 Geoff Fearns ,無 Geoff Fearns,真係無法證明香港啲傳媒係幾咁種族主義同埋法西斯。 聯合航空 已經可以肯定係航空界嘅澳洲牛奶公司,所以David Dao事件一發酵,聯合航空嘅價股係咁跌,我睇嚟聯合航空嘅股價將會一路跌落去,依家CEO嘅道歉,遠遠唔夠。(仲要 Dr. David Dao原來已經69歲,陰公)

One thought on “聯合航空 對住白人乘客爭啲用手扣

發表迴響

你的電子郵件位址並不會被公開。 必要欄位標記為 *