Trump-USA

Trump 準備好,亦有能力打柒北韓

呢個禮拜一嘅香港《蘋果日報》,我已經分析過,呢次 Trump 送一堆 Tomahawk with love from USA to Syria,其實係劍指北韓,如果中國唔解決北韓問題, Trump 就會自己郁手打柒金正恩。果然不出所料, Trump 已經講明,如果中國唔幫拖搞掂北韓班仆街,佢會自己搞掂佢。

Trump 嘅思維一啲都唔難理解

其實 Trump 嘅思維,係唔係真係咁難估,如果你用一般政客對政客嘅思維,梗係諗唔掂,要跟一大堆睇落好虛偽嘅禮數。只不過,如果你用一個典型香港江湖行古惑,或者用香港語文嘅粗口思維去摸,你其實好易理解 Trump 點諗,畢竟 Trump 喺紐約長大,紐約我係咁形容,講英文嘅香港。紐約夾雜粗口嘅英文,係可以有準確嘅香港語文翻譯。同樣, Trump 嘅諗法,用香港語文粗口好易翻譯:「屌那星,我叫你中國搞掂自己條𡃁,搞極都搞唔撚掂,我掃敘利亞場俄佬都唔撚敢郁我,更何況掃你金正恩場,你條撚樣再唔搞掂金正恩條仆街,我就唔撚客氣,自己打柒佢。」呢個就係一個十分之江湖大佬式嘅思維方式。

當然中國班友,唔係唔知乜叫江湖,所以急急要退晒北韓輸出嘅煤炭,仲有又呵番南韓,話北韓再亂嚟,中國同南韓會聯合「嚴懲」北韓,有撚用咩,你依家中國搞到好似啲黑社會二打六咁,明明對面個大佬要你交人,已經call行馬,吹晒雞,開山刀都準備大批,準備開大片,你中國班撚樣仲喺度演神功戲想昆鳩對面個大佬,奧巴馬係書生,呢招或者得,但 Trump 係真大佬,唔係見你啲友仔個個爛身爛勢,劈完友都唔知點收科,一早連你中國班友都搞掂埋,更加唔好講北韓。中國呢次嘅做法,真係仲核突過啲呃飯食果啲二打六古惑仔。

依家中國得一個選擇,就係叫金正恩摺埋自己,最多俾佢流亡北京,然後北韓呢個爛攤子成個掟番俾南韓,叫南韓、日本、美國自己搞撚掂佢。但中國又一直當朝鮮半島係防衛緩衝區咁用,我2010年叫北京行奧地利國家條約果條路唔走,依家仲拖拖拉拉,扭屎忽花,我真係留名睇幾時成棚 Tomahawk鏟平平壤。

發表迴響

你的電子郵件位址並不會被公開。 必要欄位標記為 *