United-min

United Overbook 事件: 涉及種族歧視?

United Airlines 係全球最爛航空公司,應該都係實至名歸。雖然 United Airlines 呢件事涉及華人,但 United Airlines 提供九流服務,係不分種族,任何稍為坐過 United Airlines 都知(我就係因為United嘅服務太柒,將Star Alliance 嘅mileage membership由UA轉到ANA)。只不過,香港果啲大中華膠上腦嘅傳媒,竟然都可以將呢件事spin為種族歧視,認真匪夷所思。

如果事主係鬼佬,下場都會一樣

United Airlines overbooked同埋完全唔顧正常做生意嘅道理,要調啲crew過去都要掉四個客落機,呢種做法古靈精怪,但呢個亦係點解 United Airlines 一直未能擺脫財困嘅原因嚟。(我最初以為係loadmaster發現啲貨超重,要客落機,如果呢種overweight造成嘅overbooked,其實係可以理解,呢個另文解釋。)。因為 United Airlines 隨機抽四個客落機,有人堅持到底,而 United Airlines 濫用911之後,航空公司被賦予嘅尚方寶劍,同安全無關都趕人落機,所以件事同種族歧視無關。相反,香港有傳媒spin件事係歧視華人,呢啲係煽動種族仇恨行為,有關報刊嘅國際版編輯同記者嘅名係必須列出嚟,我反而認為,呢啲 United Airlines 九流服務事件中,乘機煽動種族仇恨嘅記者同編輯,係唔應該准坐任何飛機,因為呢啲人同準恐怖分子無異,至少喺我呢啲南洋人嘅角度,你班友玩煽動都玩得太過火,完全係無晒底線。事實上,將呢件事揚出嚟,係一對白人夫婦,如果堅有種族歧視,你覺得件事會揚到全世界都知?

香港嘅新聞界,唔好再玩呢啲種族仇恨煽動遊戲,我覺得 United Airlines 係值得被杯葛,事實上幫襯呢種航空公司,真係俾錢買難受,只不過,呢件事唔係美國白種人對華人衰,因為 United Airlines 果種衰,同好多美國前線Customer Services一樣,仆街係無分種族。

發表迴響

你的電子郵件位址並不會被公開。 必要欄位標記為 *