選民登記-失竊

選民登記 失竊事件:可以查出真相嗎?

有齊全香港 選民登記 手提電腦失竊事件,到依家仍然係一單X檔案事件,而且案情越嚟越離奇,依家已經玩到係,因為兩位選舉事務處嘅官員唔記得鎖門,所以果兩部電腦就唔見咗。雖然票站嘅官員好多都係拉雜成軍,但大部分都係有一定資歷嘅行政主任,甚至政務主任,會唔會膠到呢個程度。

選民登記 失竊狀況越嚟越解釋唔到

雖然依家私隱專員已經介入調查,但單案案情,除咗最新果啲,無厘頭到不可思議嘅情節,仲有啲部分,其實亦極為不可思議,如果果啲部分案情可以披露,本來可以令到件事快啲破案,但政府似乎無心破案。

  1. 照計,政府應該有相關電腦嘅機型資料,同埋電腦serial number,甚至機殻上嘅tag,呢啲資料應該係可以披露,至少二手電腦商人,係有必要知道會唔會自己接咗賊贓都唔知,但到依家,政府係連果兩部電腦用乜型號都唔披露,真係我唔知呢單案係真存在,定係乘機將香港資料送咗上洗頭艇,然後搵個藉口嚟hea香港市民。
  2. 除咗電腦個樣,當日亞洲博覽館閉路電視,係應該影到一啲奇怪嘅出入情況,咁係唔係應該公開披露一下閉路電視影像,至少警方話想尋人協助調查都好,但依家一樣係無資料,咁係唔係有內鬼做,跟住搵兩個低層EO做替死鬼,呢啲賤嘢,你估中聯辦同梁振英條仆街做唔出?
  3. 但件事更詭異其實係,有咁大規模香港身份證資料唔見咗,土共同政府都應該同樣好緊張,但呢件事,係泛民好緊張,政府同土共都係闊佬懶理嘅態度,呢樣嘢好神怪,唔通班權貴都唔驚自己啲資料俾人攞嚟做世界,變成樹大招風情節嘅翻版,啲賊佬照住選民登記資料綁架啲大粒佬,都夠嚇死隔離,但無人好似緊張過,咁更可能嘅解釋,就係批資料根本喺中聯辦或中聯辦相關集團嘅手上,否則班有錢佬邊有可能咁放心至得架?土共果種輕鬆態度,就更加之解釋唔到。

所以大家可以更肯定,香港選民嘅資料,都已經被人送晒上洗頭艇,然後北京攞去分析之後,攞嚟威脅選民,或做各類唔同嘅仆街事乜都得,香港真係可以搞到咁鬼恐怖,簡直係黐線嘅。

發表迴響

你的電子郵件位址並不會被公開。 必要欄位標記為 *