聯合航空-min-2

聯合航空 點解咁仆街

聯合航空 係一間仆街航空公司,其實唔係新聞嚟,以往去北美一定避坐 聯合航空 ,係啲美國內陸航班無得避,當佢廉航咁坐,呢個係常識嚟。但 聯合航空 呢次仆街程度真係令人大開眼界,要個本身係醫生,book咗一定要飛做手術嘅華裔落機,仲要用武力,濫用911後嘅美國反恐法律,仲要俾人拍埋片,呢次 聯合航空 嘅關公,都應該係十分之唔得閒。 聯合航空 自己唔要面,其他Star Alliance成員,都會多得 聯合航空 唔少。問題係,點解 聯合航空 可以咁仆街,overbooked、迫人落機、極難食嘅飛機餐等乜都齊。

聯合航空 服務差嘅原因

United Airlines 一路都係差嘅航空公司,同American Airlines 係孖寶兄弟嚟。香港人喺LCC出現之前,對航空公司嘅認知,係基於未服務變差前國泰、或星航作準,由於香港幾乎無內陸線呢樣嘢,一般國際線比較賺錢,服務會好好多,所以香港人以為,坐飛機一定係會有一流服務,呢個係一個錯到離譜嘅認定。喺美國,依家仲倖存嘅兩大巨頭,即係 聯合航空 同美國航空,都係某程度上inter-state bus或railway嘅replacement嚟,佢地係以往州際巴士或鐵路代替品,喺美國,如果唔趕時間,就可以自己揸車越州過省(當然貴,但唔係油錢,係住宿錢),如果有錢果啲,其實好多都有private jet,航空公司變咗服務緊一班以往坐巴士或火車嘅中產,再加上內陸線係無duty-free銷售做補貼,結果就乜怪事都可以發生。cut晒啲服務,例如免費飛機餐、電視娛樂果啲唔再講,跟住出怪招overbooked完,再隨機踢人落機,或者明知一街大肥佬,都要你坐到變人肉三文治咁,你諗到嘅都有。911前,美國內陸航機安檢寬鬆,你堅係當搭巴士咁坐,但911後,內陸同國際線用一致嘅安檢方式,成本高昂,航空公司為保住自己,可以有幾黐線,可想而知。

只不過呢次 聯合航空 班友官僚到爆都抵死,你俾得起八百美金加一晚酒店賠償,但果位醫生未能應約做手術,一旦病人出咗乜事,賠償講緊係天文數字,果個醫生老虎魚蝦蟹都企硬,依家搞出關公災難,我睇 聯合航空 今次要點同個醫生談判,因為有片有真相,個醫生要claim 聯合航空 賠償一定都係天文數字,我真係留名食花生。

至於有啲親共中國人,又乘機宣傳美國無民主人權,物物乜乜,呢次 聯合航空 隨時賠到跳舞,中國?哈哈哈。我發現有深圳五毛好有心機印晒呢度啲嘢,不日公布中國國安部門用過啲IP。

One thought on “聯合航空 點解咁仆街

發表迴響

你的電子郵件位址並不會被公開。 必要欄位標記為 *