陳恆鑌-MTR-min

陳恆鑌 想趁火打劫到幾時?

港鐵搞到東九龍大亂,民主黨胡志偉建議終止一鐵獨大政策,盡量用其他公共交通工具協助,呢個見解係 make sense 。但 陳恆鑌 話快啲起多一條地鐵線俾東九龍,我聽完之後,陳含鑌,真係一如其名,只不過個鑌字,就走咗個金字邊。

陳恆鑌 只係為咗東九龍線9up

陳恆鑌 其實係乘機想搏公眾支持東九龍線,依家嘅東九龍線方案,係一條走山線嘅鐵路,由鑽石山開始、經彩雲、順天、秀茂坪、寶達到寶琳。其實秀茂坪山區,根本唔應該再發展,依家安達臣道發展計劃,根本係為咗更多中國移民霸佔土地嘅計劃嚟,只不過係香港納稅人嘅錢,為中聯辦扶植嘅仆街固票,特別大家留意,四順地區好多居民係差佬嚟,秀茂坪個區議員係前中聯辦官員黃春平,呢條友係應該驅逐出香港。安達臣道發展計劃,除咗製造交通災難,社會問題,我睇唔到有乜好處, 陳恆鑌 仲想趁火打劫,呃香港人快啲將東九龍線上馬,你條友咪當香港人傻至得。一旦觀塘線再出事,本身好可能已經自身難保嘅東九龍線,都唔會解決到乜嘢問題。

其實香港依家最能解決觀塘線問題嘅方法,其實有兩方面:

  1. 將觀塘線「山手線化」,包括何文田-黃埔段複線化,由黃埔興建過海隧道延至北角站,北角站另再興建隧道路軌去到麗港城、再喺藍田轉入觀塘線,「山手線化」嘅好處係,就算其中一程路軌或電纜斷咗,唔會服務完全消失。喺日本呢個人身事故有如家常便飯嘅地方,山手線同大阪環狀線證明咗環狀線嘅穩定性。既然觀塘線都搞到山手線咁款,不如正式變成環線
  2. 我唔知邊個天才諗到,硬要將港鐵起到去寶達,然後再去根本無擴建能力嘅寶琳站,係都調景嶺,然後去到藍田,跟住經秀茂坪南、佐敦谷、九龍灣、啟德、馬頭圍、培正、旺角、奧運,沿亞皆老街成一條縱線,其實九龍最需要,係一條由西至東嘅鐵路加強穩定性,多過喺觀塘地區由南到北,而且呢條線,同時可以有藍田、啟德、馬頭圍、旺角幾個港鐵轉車站,紓緩現時實際扮演縱線功能嘅觀塘線壓力(根本依家觀塘線係鐵路版嘅龍翔幹線而已),而興建難度,亦低過依家東九龍線,依家民建聯嘅方案,想幫邊個cap水咁?(我呢個方案,暫稱啟德線,或中九龍線)

香港啲交通規劃,有埋呢啲政客趁火打劫,唔亂就奇。

One thought on “陳恆鑌 想趁火打劫到幾時?

發表迴響

你的電子郵件位址並不會被公開。 必要欄位標記為 *