游蕙禎-時代力量-min

游蕙禎 會見時代力量 :港台兩地獨派連結

有一單漏網政治新聞,似係香港啲傳媒故意喺中聯辦同大中華膠指揮下漏報,就係 游蕙禎 國會議員,同埋梁頌恆國會議員,喺台灣會見時代力量嘅立委林昶佐,可以講係港台兩地獨派嘅一次重要會面同連結。

游蕙禎 會見時代力量嘅意義

其實喺去年大選期間,時代力量已經有意公開挺 游蕙禎 ,只不過喺國民黨有密切關連嘅熱普城,以及左膠嘅眾多紛擾下,最終未有真係力挺。喺DQ事件後, 游蕙禎 去台灣同獨派嘅互動又出咗唔少意外,所以時代力量同香港獨派連結一直未正式浮上水,相反,有啲左膠成日都想借時代力量嚟打咭,畢竟時代力量係真左(你班友聽晒閃靈啲重金屬台語歌先,有一首歌名叫《皇軍》,你班左膠個個都唔會頂得順,林昶佐「戀殖」勁過我呢個歸英派十萬八千倍,我有時真係想恥笑香港啲不學無術嘅左膠)。但依家,香港同台灣共同對抗中國嘅需要越嚟越強,而某程度上,由年青得多,亦了解西方好多嘅時代力量同青年新政係適合嘅,造就呢次港台兩地獨派喺政治層面正式連結嘅局面。

雖然有柯文哲教授果啲對部分香港人好難聽嘅說話(黃梓謙不代表香港,先旨聲明,呢條友係投共賊嚟), 游蕙禎 同梁頌恆去年喺台灣亦闖過禍,只不過,香港同台灣獨派聯合,其實係戰略上嘅必然,台灣有對自己領土嘅自主權,以及完整嘅軍隊,而香港有連接西方嘅視野同經驗,以至同中共交鋒嘅前線經驗,日後香港同台灣,只會有更多政治、文化、經濟等方面嘅合作,之前嘅太陽花運動,成班台灣人出嚟反ECFA,實際上Operation Hong Kong(香港行動,我自己起嘅,過台灣寫文,以香港CEPA嘅經驗協助台灣人民反對ECFA嘅行動計劃)嘅結果嚟,未來,香港同台灣可以有更多嘅交流,因為兩地實際上係互補不足,例如香港人嘅軍事知識,以至對付白色恐怖嘅經驗係近乎零,但台灣係老手。而台灣同西方接觸方面,除咗時代力量,其他人都好唔夠,香港人可以補足協助。

最後,我要挑戰一下左膠嘅心臟,俾首堅嘅重金屬歌曲,就係閃靈嘅《皇軍》,再搵時代力量打咭,你地諗清楚至好喎,哈哈哈。

發表迴響

你的電子郵件位址並不會被公開。 必要欄位標記為 *