習近平-腳軟-min

習近平 腳已軟

Trump射六十枝巡航導彈到敘利亞嘅錢,收唔收得番,張翠容呢啲親俄白痴左膠,話賣軍備收番,真係聽得多呢啲白痴陰謀論,智商低一半。 習近平 以親自行動話你聽Trump點收番筆錢:中國貿易同金融嘅讓步上面,去令美國納稅人收番筆錢。

習近平 決定腳軟

據《金融時報》講,習近平打算喺美國牛肉出口問題,以及外資擁有中國金融機構股權嘅問題,對美國政府讓步。喺美國牛肉同農產品出口問題讓步, Trump 已經向佢喺中南部嘅支持者交足功課,固然將會令特朗普收貨,而外資擁有中國金融機構呢個問題,雖然呢樣嘢,其實對中國係有著數,因為外資入去到,隨時係接火棒(HSBC股東要小心,HSBC隨時一開放即收購交通銀行),但係咁樣,特朗普都可以講係對華爾街啲大孖沙有所交代,可以修補關係,所以除咗 習近平 腳已軟外,真係無其他可能嘅結論。

呢個反映咗, 習近平 手上嘅底牌,好可能係十分之弱,除咗喺軍事上,基本上俄國都要對美國狂射導彈隻眼開隻眼閉(俄國根本事前知道美國會射嘢過敘利亞,證明普京根本都無眼睇,寧願做花生友任敘利亞被美國教訓算數),中國根本無條件同美國講數之外,中國喺經濟上,好可能都需要美國幫忙,隨時俾外資做中國金融機構嘅大股東呢樣嘢,係習近平主動提出,而有可能影響中國農民利益嘅美國牛肉,以及擴大農產品入口政策,係特朗普打蛇隨棍上,迫 習近平 硬食。特朗普政治上未必好叻,但點樣傾生意同講數,佢實係專家,佢傾deal一定比 習近平 多好多, 習近平 被人睇到弱點,然後被人食住上,呢個係一啲都唔出奇嘅。

對於香港人嚟講,明知 習近平 同中國手上副底牌咁弱,我都唔明點解香港人仲要事事奉迎中國,甚至連英國人果種奉迎中國嘅作為,我都係大惑不解, 習近平 以至中國政府果種扮到大一大嘅招數,好似我呢啲懵人,稍知道江湖險惡都知佢玩緊乜,反而做生意嘅人,甚至古惑如英國政府唔知中國人玩乜,特朗普當選嘅最大意義,或者係令人類社會明白番,講數究竟係應該點嘅一回事,同埋教番大家,如果辨認空心老倌。

2 thoughts on “習近平 腳已軟

發表迴響

你的電子郵件位址並不會被公開。 必要欄位標記為 *