曾俊華-樹大招風-min

曾俊華 保留政治能量

一般嚟講,特首選舉結束後,贏家全取,輸家消失。只不過,今年有啲唔同, 曾俊華 輸後,並無好似唐英年咁潛水隱形,相反,好快就再出嚟喺facebook,保持政治能量。好似《樹大招風》攞得香港電影金像獎最佳電影獎項,最快出Post祝賀,竟然係 曾俊華 。

曾俊華 與薯片黨嘅存在

曾俊華 保留政治能量,一方面因為林鄭月娥政權,隨時比梁振英政權更短命,依家組班都組到一舊飯,薯片黨人玩「曾.焦土」戰略,留低一個比焦土更焦土嘅政治廢墟俾林鄭月娥,唔單只無蜜月期,而且薯片黨人係咁放你冷槍,已經夠你林鄭月娥煩。好似張宇人做教育局局長果件事,就係典型薯片黨人放嘅政治冷槍,啲sniper係千幾公里外開槍,你中咗彈都唔知發生乜事。打游擊戰而言,冷槍手係最本小利大嘅打法,只要 曾俊華 持續保留人氣,薯片黨人繼續放林鄭月娥,以及其政治聯盟(包括左膠同熱普城嘅冷槍),林鄭月娥就邊度都唔駛去,未來五年一事無成,甚至因犯咗啲技術錯誤,被冷槍手搞到轟落台。而當林鄭月娥被轟落台果陣, 曾俊華 就好順理成章東山再起,就算唔係 曾俊華 本人,北京都好明顯需要同薯片黨人傾偈。

另一方面,薯片黨人,其實係比過往唐營更麻煩,唐營只不過係一個急就章嘅政治聯盟,選完就算,無政治戰鬥力,但薯片黨人係另一樣嘢,無錯,薯片黨人嚟自四方八面,由淺藍建制到親英黨人都有,但薯片黨人嘅戰略運用,以至短期戰略目標一致而清晰,就係任何阻止香港回復正常嘅人,都唔該同我仆街。某程度,所以歸英論述,親英論述,唔係要戀英,而係要你班友用番邏輯同香港核心價值管治香港,個主權屬於邊個並非最重要嘅課題,只不過你班中國人,敬酒唔飲飲罰酒,咪出嚟同你班友死過。呢個係班中國人,永遠唔明點解會有乜派系集團嘅人都有薯片黨出現,亦唔明點解薯片黨人會喺選舉之後堅持戰鬥,包括 曾俊華 本人在內。中國共產黨班友只係識得為錢而戰鬥,梗係唔知乜嘢叫為生活而戰鬥。所以 曾俊華 仍然會係一股政治勢力,而社民連同熱普城嘅本質,大家會睇得越嚟越清楚。

發表迴響

你的電子郵件位址並不會被公開。 必要欄位標記為 *