消防員-min

捐俾七警被拒嘅錢,可以捐晒俾 消防員

我好少特別quote有錢佬講嘢嚟評,只不過,新地郭基煇呼籲大家要學習 消防員 ,佢都啱,不惜一切服務香港,而唔係好似黑警咁,亂咁打人犯咗法仲唔認錯。 消防員 應該同警察一樣薪酬,唔該準政務司司長張雲正唔好遮遮掩掩,做過海關關長嘅佢,係應該識得稱究竟邊啲紀律部隊值得俾高啲人工,近年差佬犯法多過食飯,休班警同當更警爭住犯法,因公殉職無幾個。相反, 消防員 真係吓吓出勤都搵命搏,點解 消防員 人工要低啲。警察做梁振英條死變態佬隻狗,就值得人工高啲㗎。

捐俾七警嘅錢應該捐俾 消防員

但對公眾最氣憤,仍然係果啲不明來歷人士,捐俾敬言仁基金果啲錢,由於果筆錢可能有收受利益,以及影響公眾對警隊形象等問題,警方已經要拒收呢筆錢。只不過,呢筆錢既然都係要捐出嚟,如果果啲捐款人係真正有心將筆投放社會,點解唔捐俾 消防員 ,消防員係因公殉職,全香港人不分政見都應該要幫佢,但果七名黑警,叫做七犯至啱,ABH係嚴重嘅刑事罪行,點解殉職無捐款收,但犯法就有捐款,呢班友如果解釋唔到呢點,公眾就對呢班友最初捐款目的更加有懷疑,甚至最後嘅結果係,公眾對所有捐俾果七條友打官司嘅錢,無論目的定係來源,都係十分之質疑,因為果七條友,公眾唔要佢地俾番檢控嘅堂費,就已經偷笑。

其實日後政府要重建公務員形象嘅話,就應該唔好再讚揚警隊,就算無七警事件,無遮打革命,警員身為執法人員,知法犯法,無論當更嘅定係休更嘅,犯法事件無日無之,根本係一單都嫌多,依家警察只係被公眾覺得係一群無紀律嘅爛仔,唔大肆炒人整頓,同送一批友去坐監食「皇家飯」已經係優待佢地,反之,雖然香港好多安全嘅嘢執到正,但因火災,或個別人士硬膠,而搞到 消防員 殉職嘅事無日無之,應該還消防員公道。更何況,搞到 消防員 殉職果位係一名機場特警,將原本捐俾警察嘅錢改為捐俾殉職消防員,亦都算係一種補償。依家暫時咁睇,新地郭家喺好多嘢上面,都比好多所謂香港有錢佬嚟得真心一啲,至少會出嚟幫 消防員 講番句公道話。

發表迴響

你的電子郵件位址並不會被公開。 必要欄位標記為 *