鼠王芬-min

搵 鼠王芬 入政府:好事好事

林鄭月娥依家組閣,真係要分曲直都好有難度,唔好講捉啲人入去個熱廚房陪佢癲。星期六俾田北俊過咗一棟,推廿蚊張件廢人俾佢,玩膠玩足一日。今日仲經典, 鼠王芬 毛遂自薦入政府。做律政司司長似乎無乜可能,佢做律政司司長,恐怕律政中心佢未返工已經被人放大堆老鼠(留俾佢慢慢捉)。只不過,如果做其他局長,真係仲美妙過由張宇人做教育局局長。

鼠王芬 入政府,一次過解決晒九西補選問題

首先, 鼠王芬 入政府,必需辭去九龍西嘅國會議席,如果連劉小麗都DQ埋,而游蕙禎又上訴失敗,根據依家果個On9比例代表制原則, 鼠王芬 果席歸番土共,劉小麗同游蕙禎嘅議席重新洗牌,游蕙禎我個人認為可以入番去(MK選區應該選個MK國會議員),劉小麗果席,我認為不如薯片系統派條友入去好過,或者選范國威,甚至薯片系統派條友入去打,鎅走啲藍色票,隨時 鼠王芬 果席都歸薯片系統,皆大歡喜。(如果梁頌恆入唔番去,我認為羅永聰有力一戰,屆時出現一個超級熟書嘅國會議員,你林鄭月娥慢慢玩手指喇),一次過解決晒九西補選所有問題。(如果梁國雄都DQ埋,新界可以梁頌恆同羅永聰都去打,要件lesser evil嘅建制派,係一啲都無壞)。

鼠王芬 嘅乞人憎程度,同張宇人不相上下,所以要call人上街反政府,一件 鼠王芬 勝過十件長毛,屆時七一遊行唔憂無人上街,因為 鼠王芬 一定沒有最硬膠,只有更硬膠。表面上, 鼠王芬 應該好恨做局長,人工又高,個朵又威,返到學界個朵又夠照,幾好,點睇都唔似係曲線人士。只不過, 鼠王芬 都曾經熱血過,記協本《人民不會忘記》,佢都有份寫,據聞喺城大上堂果陣, 鼠王芬 講嘢個tone都好公民黨feel,呢條友係曲線人士,定係一條完美貪權嘅直線,你林鄭月娥自己慢慢研究,我無乜興趣知。

只不過,我提醒一下林鄭月娥, 鼠王芬 搞出關公災難能力唔弱,幾年前佢條友喺半山羅便臣道一帶嘅鋪位,留低咗個危險招牌,無人處理,係我同幾個半山街坊,搵咗信報跟進,跟住佢至郁手。 鼠王芬 有幾多呢啲炸彈,你自己慢慢發掘,我唔補充。

發表迴響

你的電子郵件位址並不會被公開。 必要欄位標記為 *