蘇格蘭-min-2

香港 加拿大 蘇格蘭 聯邦會唔會更實際?

蘇格蘭 前途問題,一直引嚟好多嘅討論, 蘇格蘭 裔加拿大作家KEN MCGOOGAN喺 The Globe and Mail 提出一項好激進嘅主張, 蘇格蘭 脫離聯合王國後加入加拿大聯邦,不單可以保留皇室,而且享有更大自主權。

其實我有個比KEN MCGOOGAN更激進嘅主張,就係香港脫離中國之後,英國一旦無力料理嘅話,香港加入加拿大,如果KEN MCGOOGAN蘇格蘭加入加拿大建議行得通嘅話,就香港、加拿大、蘇格蘭共組聯邦。

香港 加拿大 蘇格蘭 可以同氣連枝

加拿大同 蘇格蘭 嘅淵源,一如KEN MCGOOGAN咁講,好多 蘇格蘭 人其實都做過加拿大首相,加拿大亦有好多 蘇格蘭 後裔,加蘇之間,傳統上並無隔閡。 蘇格蘭 傳統上係親歐洲,所以加拿大另一大種族,講法文嘅人,相處都唔會有問題。

香港同加拿大嘅淵源都深厚,香港有好多人都係加拿大公民或加拿大公民嘅近親,而假以時日,香港語文(粵語為本嘅發音加正體漢字)成為加拿大官方語文,亦非天方夜譚,加拿大士兵曾經為香港付出性命,而香港難民亦做過加拿大嘅總督(伍冰枝),而香港嘅文化生活習慣,亦都係依家加拿大文化嘅一部分。我相信,就算英、加、澳、紐簽署自由行動協議,香港人選擇去加拿大分分鐘多過英國,因為老一輩嚟講,喺加拿大唔駛放棄自己嘅生活習慣同語言,但去英國,好大機會意味住一切重新嚟過,好多上咗年紀嘅人,英國其實一啲都唔吸引,相反,可能親友眾多,香港語文橫行嘅加拿大,會吸引好多倍。

KEN MCGOOGAN嘅建議極有趣,值得仔細討論落去,香港人不妨參與討論行列。對我嚟講,只要香港能夠保留原有文化,同民主自由,獨立、歸英、定歸加,其實我有好大嘅彈性,喺國家界線越嚟越含糊嘅今日,實際上嘅獨立,比名義上嘅獨立更重要。如果香港唔拉攏強國,無力抵擋中國呢個強鄰,表面上嘅獨立咁又點,最終只會變成滿洲國式嘅傀儡國家。相反,港、加、蘇合邦,呢個有可能抵擋到中國,亦對香港人嘅生活方式保留,以至文化傳承有好吸引嘅一面,值得咀嚼吓。

One thought on “香港 加拿大 蘇格蘭 聯邦會唔會更實際?

  1. Hello Martin. Please write a letter to the Globe and Mail to echo McGoogan’s proposal and to raise the cause of HK as the twelfth Canadian province after Scotland’s bid becomes successful. Thank you.

發表迴響

你的電子郵件位址並不會被公開。 必要欄位標記為 *