中國遊客-min

星期日休息 : 中國遊客 如何變成咗公害

中國遊客 嘅公害問題,我相信我係漢字圈第一批寫嘅人,2010年喺新加坡《聯合早報》寫《大陸遊客如何搞砸兩岸關係》,招惹大量五毛。跟住2012年,又係《聯合早報》寫《 中國遊客 如何搞砸中港關係》,又招嚟大量五毛。香港、台灣兩地同中國關係緊張, 中國遊客 問題多少涉及敵我問題,但冰島同中國並無任何交惡點,連八國聯軍都無份, 中國遊客 仍然有本事喺當地有名景點Snæfellsnes搞出呢啲垃圾出嚟, 中國遊客 嘅問題,就唔係政治問題,而係文化有問題。簡單嚟講,就係OS出咗事,搞唔掂個kernel(核心)就真係醫番嘥藥費。

中國遊客 反映嘅自卑式愛國

遊客無禮呢個問題,其實任何國家國民都有,好似西方國家遊客好多酗酒後不受控嘅行為,近日七人欖球賽會場附近一帶港島嘅民眾,應該感受好深吓。英國嘅足球流氓,係連英國人都認為係國恥。只不過,一般嘅惡習好少要搞到好似啲狗四處痾尿,宣示主權嘅地步。呢種周圍要帶國旗去旅行,然後要喺人地國家嘅景點留低國名呢種行為,就去到狗要四圍痾尿,留低自己啲氣味果種唔係人類嘅行為。呢個就唔係生活習慣呢個層次嘅問題,生活習慣問題可以隨時間,以及同第二啲國家嘅交流去改善。好似日本遊客上世紀八十年代嘅暴發戶行為,依家已經不復存在。暴發戶行為,唔係去到核心層次嘅病態行為,但周圍帶國旗,又周圍喺景點寫上「中国」兩字,呢種病態,就係成個中華人民共和國大部分人,果種國家觀念錯亂出現嘅問題,呢個問題不單係公害,而且係中華人民共和國最終自爆嘅原因。

之所以 中國遊客 周圍好似狗一樣,要留低啲嘢「彰顯國威」,因為民族主義作崇。本來民族主義唔一定係罪惡,因為民族主義可以係促使民族變好嘅動力,好似法國戴高樂果種民族主義,令法國人有勁自大嘅一面,但亦勁自我批判嘅一面。而民族主義必須要有民族自豪作為動力,民族自豪感,當然要係一啲好嘢,例如法國人嘅革命歷史、藝術修為、時裝背後嘅美學傳統,甚至法國人玩膠嘅創意,成為法國人自豪嘅地方。英國人,有係莎士比亞嘅作品、皇室嘅輝煌傳承、議會民主制度、普通法等等。就算係香港,香港人係唔需要係乜乜到此一遊,去彰顯自己香港人一面。今日西方中華武術嘅傳承,多數嚟自香港裔美國人李小龍,以及赴洋傳揚詠春技法嘅梁挺。香港嘅市容,不單係東方之珠,攻殻機動隊嘅新港市即為香港,香港係Cyberpunk美學嘅發源地,呢個亦係大家知道(基本上,山道天橋成為咗。向西方出口中華漢字文明最大宗,除咗日本,就係香港。香港亦係少數洋人會自願歸化嘅地方之一,包括講香港語文,令香港語文可以跨越種族,並向外傳播。(台灣都有洋人講台語,自願留喺當地,但傳唔到出去,亦無河國榮、喬寶寶呢類故事)

但依家中華人民共和國有乜嘢可以自豪,建立民族自豪感,或國家自豪感?文化大革命,將中華文化喺中華人民共和國國民保留嘅最後部分全部無晒,當一個國家無事可以自豪果陣,窮得可以剩低乜。喺中華人民共和國經濟未起飛果陣,咪係沉醉果啲奧運金牌度,所以中聯辦班蠢才至會認為中國奧運金牌得主嚟香港匯演可以凝聚民心,結果係香港人睬你都傻。依家經濟起飛,用乜嘢彌補自己民族無嘢可以攞出嚟被讚賞嘅創傷,咪四處塗鴉,所以至會有 中國遊客 越少,反而嚟番晒其他國家嘅優質遊客。

當然,呢篇文章,我無意為中國人debug個OS kernel,因為呢個已經係廢OS,真係難聽啲講句,呢啲OS無得執,唔同日本、台灣、南韓、香港,可以靠唔同嘅patch慢慢執。當然有啲死症,係暫時無得patch,但呢四個國家嘅人,至少唔會係公害先。依家 中國遊客 變咗公害,遲吓搞落去,就中國人本身都係一種公害,呢個就真係會令中國人變成世界公敵。正如印度個OS,我諗無乜人諗住執,否則印度人如廁同強姦兩大問題,就唔會咁如此惡名昭彰。我唔會用全盤西化呢個字,但可以肯定係一樣嘢係,Mac今日依然存在,因為Steve Jobs當年當機立斷,將Nextstep取代Mac OS(今日嘅Mac OS X),使用FreeBSD為基礎嘅kernel,今日Mac至未有消失,如果死抱當年果個問題多多嘅OS 9,一早玩完。問題係,中國人唔係Steve Jobs。

發表迴響

你的電子郵件位址並不會被公開。 必要欄位標記為 *