田北俊-張宇人-min

田北俊 終於掌握玩膠嘅奧義

張宇人被自由黨推薦做教育局局長,喺一個真心膠太多嘅城市,好多人立即好驚。當然,我呢啲有鋪派膠癮嘅人,一聞就聞到陣高登味,果然不出所料, 田北俊 喺星期六晚自己喺facebook解畫,承認係為推薦而推薦,跟住狂抽張宇人同吳克儉,最後張宇人自己都抽埋吳克儉水一份, 田北俊 嘅玩膠行動十分之成功,應該係第一個政客公然玩膠玩到呢個地步。 田北俊 終於掌握到玩膠嘅奧義。

田北俊 知道對住柒頭有時唔可以直接嚟嘅

其實戰略人,一般好容易睇到 田北俊 玩緊膠,除咗因為呢招嘅惡作劇成分超高之外,呢招其實反映咗,自由黨根本唔想同新政府合作,但又唔方便好似泛民咁,一開口就turn down人,喺泛民嘅位置梗係無問題,自然有班原教旨主義分子包底。自由黨咁做,隨時黨內有一大批人不滿,自由黨本身亦想保送一批人做政治助理(當然目的唔知,你都知依家 田北俊 根本係玩膠王),所以 田北俊 用一招怪招,就係為推薦而推薦,搵張宇人過橋。但張宇人又唔可以公開發嬲,因為張宇人長期係男拔校董,而佢老婆係教育界嘅,教育界啲人有幾多幾憎吳克儉,大家都知。張宇人做局長係有問題,但張宇人嘅太座做教育局局長,又未必係有問題。

簡單嚟講,玩膠係一種間接路線(indirect approach)嘅玩法,唔同你硬攻,我就走迂迴路線玩你,而 田北俊 難得有呢種戰略視野同操作能力,我睇依家真係無幾多個政黨想入林鄭月娥個熱廚房,連自由黨都可以hea到咁,推薦張宇人呢啲人入去,你民建聯、工聯會係唔係為咗政府啲資源,真係走去鬥核突先,屆時真係成個林鄭月娥團隊搞到好似異形戰隊咁嘅款,咁又何必呢?

其實泛民要學習,就係唔好果啲左膠、熱普城,扮假膠搞原教旨主義,阻止泛民向一個間接路線方式策略進發。 田北俊 咁樣做咗周星馳整蠱王,固然係一個方法,但間接路線嘅玩法有十萬八千幾個。好似要爭取一個公共政策嘅成功,除咗示威,除咗喺街頭勇武,或者爭道德光環,仲有無其他方法。好多泛民政客(或者政棍),扮晒激都無乜嘢政策建樹。我自己成世人寫評論,有係一條附屬立法(限奶令),同一條立法修訂(停車熄匙酷熱天氣同暴雨豁免),對於林鄭月娥呢啲仆街,fight hard,更要fight smart。

發表迴響

你的電子郵件位址並不會被公開。 必要欄位標記為 *