戰斧巡航導彈-min

戰斧巡航導彈 精準度超強:中國唔驚就奇

習近平獲特朗普知會,敘利亞已經被 戰斧巡航導彈 打柒之後,雖然有一大堆五毛幫敘利亞辯護,但中國外交部唔敢高調幫敘利亞。以中國人幾仆街都幫得落手嘅脾性,習近平唔似會因幾枝 戰斧巡航導彈 啞咗。只不過,當敘利亞機場嘅受損情況陸續披露之後,習近平當堂啞咗係有理由。習近平喺北韓問題嘅立場,應該要侷住 Trump 嘅路線玩落去。

戰斧巡航導彈 精準度超強代表乜

戰斧巡航導彈 其實係一隻有幾十年歷史嘅導彈,喺彈頭同引擎技術上,已經係半世紀嘅嘢(William Internation F-107 turbofan engine),只不過, 戰斧巡航導彈 一直恐怖在於美國不斷對導航系統升級,由GPS,到anti-jamming GPS,到係家嘅數碼地型比照技術等等,美國基本上,可以不斷喺導航等軟件技術係咁升級落去,所以精準度會越嚟越可怕,而中國,係唔可能做到呢個精準度,中國嘅反導彈系統,亦唔見得可以抵禦呢種高度精準嘅打擊。

但更重要係,美國可以知道敘利亞啲飛機喺邊個掩體,證明美國嘅情報能力已經唔係過去成日收錯流料嘅年代,美國嘅間諜衛星、情報判讀,甚至喺敘利亞嘅在地情報能力都十分強悍,所以至可以做到例不虛發。如果北韓真係同美國砌,恐怕喺黃海同日本海嘅美國艦隻,已經可以鏟平平壤有餘,美國依家軍力喺獨力清理啲仆街係無問題。所以,中國唔敢好似1999年科索沃戰爭咁囂張,因為當年北約仲話可能亂咁炸(雖然好明顯,中國駐南斯拉夫使館係有份參戰,炸使館係合理嘅,縱使唔啱國際法),依家,係例不虛發,有水泥掩體都無用,啲飛機都係被炸成廢鐵。

所以依家中國基本上無乜選擇,喺北韓問題上,只有同大韓民國同美國合作,否則如果美國選擇自己解決北韓,應該係游刃有餘,因為技術已經好成熟,只不過之前奧巴馬呢個大左膠阻住地球轉。其實薩德系統反而無料到,因為薩德系統係阻截由太空返回大氣層嘅彈頭,而唔係好似戰斧咁有攻擊能力。講真,如果喺大韓民國水域部署 戰斧巡航導彈 ,派幾架有 戰斧巡航導彈 嘅戰艦喺黃海出沒你仲驚。

One thought on “戰斧巡航導彈 精準度超強:中國唔驚就奇

  1. 「由GPS,到anti-jamming GPS,到係家嘅數碼地型比照技術等等……」
    應該是數碼地型比照技術先出現。

發表迴響

你的電子郵件位址並不會被公開。 必要欄位標記為 *