張宇人-min

張宇人 做教育局長係推翻林鄭月娥政府最有效方法

自由黨果然係奇人輩出嘅政黨,鍾國斌喺NOW電視節目度講,已經推薦咗 張宇人 做教育局局長,呢招簡直係神來之筆,呢啲要用八奇思考領域至諗得出嘅怪招,如果林鄭月娥咁上願者上釣,建議北京委任 張宇人 做教育局局長,我睇嚟林鄭月娥真係十分之唔想做特首。

張宇人 簡直係推翻林鄭月娥政府有力武器

對自由黨嚟講, 張宇人 做教育局局長絕對有著數,因為佢霸住嘅飲食界功能組別議席,就可以空出嚟俾人接班,只要唔係俾李梓敬接班,對自由黨都唔會有乜傷害,反正 張宇人 喺做飲食界功能組別期間,經常口臭累街坊,自由黨啲直選立法會議席,同埋區議會議席,某程度上都係 張宇人 把臭口消滅,但唔知點叫佢退位讓賢,依家大把藉口,俾個局長你張大少做呀,想點呀。

張宇人 做議員期間,廿蚊張之名,大家都知佢有幾口臭,我同佢都做過吓時事全方位嘉賓,同佢辯論民生問題,呢條友都唔講理性,以為自己係old seafood大晒嘅嘴臉,可以激到你想一拳打柒佢。如果佢做教育局局長,佢一定比吳克儉呢個火星 barcode頭更仆街,吳克儉把口已經衰,張宇人只會更衰,屆時隨時係呢條友搞出一百萬人,甚至幾百萬人上街要佢仆街,搞出顏色革命都似,屆時林鄭月娥仲唔跳樓。所以,委任 張宇人 做教育局局長,唔單只林鄭月娥要落台,隨時香港獨立或者歸英,都係全靠 張宇人 把臭口, 張宇人 可以講係政界砒霜,食完都非死即傷,所以鍾國斌呢個推薦,絕對係怪招中嘅怪招,可以講得上係「真.焦土政策」,曾俊華上唔到台,就整件史上最爛嘅人俾你,係自由黨先咁有決心。我個人十分之懷疑,呢招怪招之王,隨時係田北俊自己諗出嚟,大家都知田北俊近年已經高度高登化,呢招充滿一陣莫名其妙嘅膠力。

當然,林鄭月娥正常嚟講,應該唔會接受呢個建議,因為 張宇人 做教育局局長呢家嘢實在太膠,膠到一個點嘅地步。只不過,喺呢個無人諗嘢正常嘅年代,張曉明呢啲人頭豬腦可能覺得呢件至係又左又紅又專又臭,真係會上當,共產黨呢啲自以好醒嘅諗嘢方式,正正係佢地呢班仆街奸有奸輸嘅原因。

One thought on “張宇人 做教育局長係推翻林鄭月娥政府最有效方法

發表迴響

你的電子郵件位址並不會被公開。 必要欄位標記為 *