中國乞兒-min

唔好再捐錢俾 中國乞兒

一直以嚟,小弟都好關注 中國乞兒 問題,中環啲 中國乞兒 一度多到,我都經常去中區警署報案,而好多警員,都對呢啲 中國乞兒 不勝其煩。近日啲 中國乞兒 近搞到喺旺角、牛頭角都見到佢地。終於,《蘋果日報》偵查報導人員,同呢班友徹底起底,好多謎底都解開咗。

中國乞兒 根本係官府包庇

好多軍裝警員都唔明,點解啲 中國乞兒 嚟完可以再嚟,原來根本係一個腐敗項目,廣東省官府控制嘅「慈善團體」控制,唔怪得呢班 中國乞兒 可以申請雙程證落嚟搵食。如果立法會議員係堅做嘢,應該要求當局修改《入境條例》,列明《簡易程序治罪條例》中嘅行乞行為,係屬於違反逗留條件嘅行為,可予遣返以及禁止再進入香港,咁樣至可以稍為控制到啲乞兒無咁猖獗。同埋雙程證人士,根本唔係事必俾佢地入境,最簡單嘅做法,就係見到呢啲咁嘅款所謂「殘疾人士」,如果解釋唔到佢地嚟港嘅原因,就喺羅湖、文錦渡、皇崗以及機場幾個口岸,即時拒絕佢地入境,廢話都費時講咁多,呢方面,入境處係必須做好把關工作。

但香港人唔好再學林鄭月娥,或一啲非華裔人士濫發善心,都係好重要。呢啲嚟香港行乞嘅人,根本係一條拐賣人口犯罪鍊,一方面,有部分官員應該係同拐子佬勾結,根本係黑社會行為,中紀委係應該立案調查呢班仆街,有啲傷天害理嘅事,係一定要查到底。另一方面,我相信部分「殘疾兒童」來歷係嚟自計生委,計生委以打擊超生名義,濫用藥物導致嬰兒傷殘又好,強擄超生兒童打到殘廢搵錢又好,甚至係醫療事故後啲細路,醫院「賣」俾呢啲假慈善團體又好,全部都係腐敗行為。任何人捐一蚊,都等同捐助中國嘅貪官污吏,只有果啲左膠或大中華膠,無視中國政治嘅腐敗情況,可以盲目咁叫香港人輸送金錢俾啲貪官污吏。香港人日後喺街上見到呢啲 中國乞兒 ,不單只一蚊都唔好捐,最好係拍片同報警,交由警方處理,只有每日持之以恆嘅掃蕩,呢啲 中國乞兒 至會放棄嚟香港搵食,我唔擔保佢地會唔會去第二啲國家搵食,但我相信,以中國護照嘅信譽之爛,要有國家批簽證俾呢班友都唔容易。

發表迴響

你的電子郵件位址並不會被公開。 必要欄位標記為 *