沙林毒氣-min

使用 沙林毒氣 等同恐怖分子

敘利亞政府用 沙林毒氣 喺平民身上,細路都唔放過,極盡人渣之能事,激起特朗普嘅憤怒,二話不說,五十九枝戰斧巡航導彈 with love from USA and Trump,炸到敘利亞班人渣飛起。只不過,仲有左膠係要死撐。如果啲左膠仲唔意識到,喺平民身上用 沙林毒氣 等同恐怖主義行動,咁我講吓日本歷史,大家都應該記得奧姆真理教呢五個字。無錯, 沙林毒氣 就係同奧姆真理教有關。

阿薩德用 沙林毒氣 同麻原彰晃有乜分別?

1995年3月20日,本來已經殺人唔眨眼嘅奧姆真理教,竟然諗到自己調製 沙林毒氣 化學液體,然後喺東京地鐵站嘅車廂內施放,目的只不過係逃避警方喺3月22日予定嘅取締行動,呢件事結果造成13人死亡,六千幾人受傷,點解只係13人死亡,因為奧姆真理教施襲果啲係山寨 沙林毒氣 ,化學成分根本唔係軍用級,所以大部分人都可以救得番,否則呢單嘢,一定可以同911襲擊相提並論。麻原彰晃咁樣用 沙林毒氣 ,都視為恐怖主義行為,大家都應該明白,將軍用 沙林毒氣 用喺平民身上,呢件事同1989年北京坦克碌人係同一級別令人髮指嘅事嚟。

本來2013年,敘利亞政府話將所有化學武器交俾國際銷毀,點解依家無喇喇有 沙林毒氣 ,而且由啲死狀嚟睇,呢啲係軍用級別嘅 沙林毒氣 ,係唔係俄國同中國違反國際公約自己調製呢啲 沙林毒氣 ,呢啲嘢唔難解得通。俄羅斯都未必咁熱衷賣化學武器,畢竟落入DAESH,俄羅斯軍就自己食到應一應,我相信普京未蠢到呢個地步,但中國啲商人同解放軍會唔會為咗賺錢,賣調製 沙林毒氣 用嘅化學物品,呢樣相當難講。美國會睇實俄國嘅船艦,但中國啲商船未必會睇實,漏洞就喺呢度出嚟。喺2013年傳媒篤爆西方啲化學公司,為咗賺錢求其亂賣化學原枓俾敘利亞政府啲空頭公司後,規管嚴咗好多,但大家都知道,乜嘢都可以喺阿里巴巴買嘅中國,會賣咗乜出嚟。我認為西方國家,應該調查馬雲同阿里巴巴,究竟中國有無人賣 沙林毒氣 原料俾阿薩德政權。

除非班左膠,十分之認同個樣好似覃俊基嘅麻原彰晃,認為用 沙林毒氣 係無問題,否則支持用戰斧巡航導彈打柒阿薩德呢啲人渣,只不過係作為一個人應有嘅基本人性。

發表迴響

你的電子郵件位址並不會被公開。 必要欄位標記為 *