民建聯-假民調-min

民建聯 又搞仆街假電話民調

Cold Call本來已經係香港公害嚟,只不過,果啲乜嘢香港社區網,又係果啲香港點評網果類美容公司(據聞應該係某間香港上市公司所為),只不過,政黨用cold call搞假民調更仆街,而 民建聯 ,無錯,又係只得禮義廉嘅 民建聯 ,竟然打嚟搞假民調。

民建聯 擾民兼做假,應該聲討

根據一名網民嘅講法(我唔公布個名,免得成群五毛走去搞人),情況係咁

但當進入第一條問題:「你是否覺得公職人員被辱罵情況非常嚴重?」,我按入代表「不算很嚴重」的數字之後,語音系統立即説:「你已連續按錯三次,問卷調查無法繼續。」

呢啲唔係假民調,又係乜嘢,唔怪得民建聯咁鍾意搞語音民調,一嚟打固網電話容易呃老人家,另一方面,喺program度出術都仲得。依家係唔知呢啲民調,又係唔係伍婉婷果間公司做,如果又係嘅話,大家可以見到果啲假民調電話飛晒線去伍婉婷辦事處,等伍婉婷同佢啲職員,領略一吓佢自己搞出嚟果啲所謂民調,究竟有幾厭惡性。飛線去 民建聯 office,都係一個選擇。

只不過,如果你可以嘅話,如果收到呢啲 民建聯 假民調電話,首先,你應該記錄來電顯示,並且向hkjunkcall報告,等大家可以喺垃圾電話資料庫果度,知道伍婉婷或民建聯聘用嘅marketing公司,會用乜嘢電話,應該果堆電話都唔慌係乜嘢好嘢嚟。另一方面,如果你可以做到電話錄音,最好將成個過程嘅聲帶錄低,然後公開上網。你唔想自己公開上網,可以將聲帶PM俾我,並且講明希望來源保密,我幫你發表相關錄音,但記住錄音過程唔好對你嘅電話講任何嘢,慎防唔小心將你段聲錄到。仲有提醒屋企啲老人家,收到呢啲民調電話立即收線,同埋記得來電顯示號碼,同老人家講,呢啲電話同果啲假入境處,假順豐電話一樣係呃人,等呢班友收唔夠sample,求其亂作個數穿崩俾人恥笑到底好。

由 民建聯 搞呢啲假民調,證明呢個無恥政黨嘅做假本質,同埋依家香港警察係幾咁不得人心,如果真係得人心嘅,駛鬼搞呢啲根本係假到無倫嘅假民調?

發表迴響

你的電子郵件位址並不會被公開。 必要欄位標記為 *