敘利亞-戰斧-min

戰斧 導彈打柒敘利亞:應有之義

喺敘利亞時間清晨四點幾左右,美國軍方發射 戰斧 巡航導彈,直接打柒敘利亞政府軍,唔再問乜嘢聯合國安理會。我可以講,特朗普直接發射 戰斧 導彈解救敘利亞平民嘅行動,可能係自克林頓同貝理雅首相聯手空襲南斯拉夫以嚟,最正義嘅軍事行動。

射咗 戰斧 救人再講

左翼都有好多種,當年克林頓同貝理雅都左仔政府(民主黨加工黨),真係講大愛,講公義,有啲挑戰人類底線嘅情況,必須出兵處理,但依家張翠容呢隻左膠,只係俄羅斯政府嘅傳聲筒,一如喺波斯尼亞同科索沃問題嘅立場,完全偏袒果啲俄國盟友。而奧巴馬由於受左膠「反戰」聲音影響,唔敢出兵對付啲柒頭國家,甚至喺伊拉克問題未解決就撤兵,釀成IS大禍。呢次,曾經係左仔嘅特朗普,只不過撥亂反正。克林頓當年嘅金主之一,就係特朗普。所以特朗普喺出兵聲明講咗一句,

Tonight I call on all civilised nations to join us in seeking to end this slaughter and bloodshed in Syria and also to end terrorism of all kinds and all types

特朗普呼喚文明國家一齊出兵,其實極其到肉寸爆中國同俄國兩個國家係野蠻國家,中國同俄國要尋求自己外交利益,fine,但縱容使用化學武器,仲要用喺平民身上,呢個係人類底線嘅問題,特朗普斷然出兵,係唯一可以阻止敘利亞政府再亂用化學武器唯一有效方法嚟。

當然,習近平依家喺佛羅里達州見緊特朗普,特朗普就喺佢面前射五十九枝 戰斧 俾敘利亞嘆,呢種談判手段都極其霸氣,中國政府要諗清諗楚,喺北韓問題、台灣問題同香港問題會打算點回應美國,如果北韓仲係不受控, 戰斧 甚至更勁嘅導彈射入北韓境內,幾乎係肯定。如果中國出兵台灣,特朗普政府肯定會出兵助台,而中國對香港繼續玩嘢,隨時香港人權及民主法案,會比大家想像中更辣,呢次習近平真係遇到超霸氣對手,特朗普真係話射就射,完全唔俾面中國,甚至一直大家以為特朗普同佢好老友嘅俄國。依家真係堅係,America is great again.

One thought on “戰斧 導彈打柒敘利亞:應有之義

發表迴響

你的電子郵件位址並不會被公開。 必要欄位標記為 *