採訪配備

大家應該有睇,在選舉結果公布果個,大批市民點樣喝劉江華同陳克勤兩條友倒采。由件事出現,加字幕,到Upload上Youtube,只係半個鐘內搞得掂的事。

當然,依家的Notebook強咗好多係主因,我依家部Macbook第一代都work得好唔錯。但除咗Intel Core Duo CPU,HDD攝錄機同埋iMovie 08查實都係好主要原因。

我用緊係JVC Everio G Series機,基本上,你在啟動iMovie經USB駁咗落電腦度,iMovie 08一開機已經認得部機,並且輸入你想入的片。而iMovie要加字幕,基本上係食生菜的。如果你唔駛VO、只係想好快將件事發生情況放上互聯網,只要有寬頻互聯網,Macbook同埋iMovie,可以在十五分鐘內將事件片段放上互聯網。而且Everio G畫面同收音都幾唔錯(MPEG-2 + AC3),當然貴些的機直頭用h.264,就更直接。(對Mac而言,H.264係Native格式)

在有些情況下,隨時「公民記者」將事件報導得快過電子媒體,因為依家電子媒體機動性係唔夠。就算電子傳媒比較快都好,因為機動性唔夠的問題,有些角度,都係「公民記者」可以做。好似我拍果段片咁,差唔多無電視台新聞部將個cam放在自己office後面(我拍的位置係香港寬頻新聞部的backend嚟),就睇唔民眾有民眾喝倒采,劉江華照樣無恥做佢的訪問的情況。

所以X建聯唔好做咁多賤嘢,成街都有人睇實呢班茂利,唔好亂嚟。

5 thoughts on “採訪配備

  1. 我果次係有帶齊成套配備,因為真係唔重。

    我近日買咗部好平的Sony DSC-T70,因為灣仔有間店鋪,陳列品跳樓大平賣才買(1100一部),非常輕便,有突發事時可以隨時Snapshot,好過手機。

  2. To karl:

    有HSPA/HSDPA都得,好多報館都用Smartone-Vodafone HSDPA,但Upload上Youtube的速度有待改善。

發表迴響

你的電子郵件位址並不會被公開。 必要欄位標記為 *