選民登記-min

選民登記 資料明顯上咗洗頭艇

似乎 選民登記 電腦離奇失蹤案嘅事主,已經有明顯眉目,就係中國政府。有選委近日猛咁收到call,好明顯 選民登記 資料已經落入中國當局手上,中國當局應該加緊分析緊啲選民資料,傳統功能組別選民,以及特首選委選民,他們應該十分之牙煙。

選民登記 資料有加密?咁又點?

政府一直強調 選民登記 資料有加密,依家嘅情況係,咁又點,如果係中國當局要果啲資料,條decryption key,一早交咗俾中國政府,至於亞博嘅失竊案,完全係一個局嚟,目的係萬一中國當局裡面有人攞啲資料另有用途,有乜責任就推晒俾啲黑社會,然後搵幾件嘍囉蛋散去受靶。要分析唔同選民之間嘅住址,以及相互之間嘅關係,然後再攞嚟威脅市民,作出中國當局心水嘅投票結果,呢個至係最重要,作為共產黨嘅孖生兄弟,亦即係中國國民黨都做得出類似嘅事,我相信中國共產黨就更加做得出,況且依家中國為咗開發great firewall,掌握咗唔少大數據同超級電腦技術,我相信對中國當局嚟講,雲端技術用嚟控制人民,都係相當唔錯嘅玩法,而呢次得番嚟資料,三百幾萬筆,以依家嘅運算量,以及大數據能力,只係小菜一碟,我相信中國當局喺分析中國一個大城市用嘅processing power,都唔駛咁多。

依家對香港人嚟講,當然唔好de-registered個vote registration,最合理做法,係迫香港政府更改香港身份證號碼系統,將中國當局手上嘅資料,盡量同未來嘅選民登記系統連結斬斷,只不過,以依家香港政府嘅賣港程度,呢個可能性唔大。所以,最好儘快更改選民登記資料,最好係每年都更改資料,更改方法係咁:

  1. 你選民登記嘅電郵,應該逐步停用。
  2. 你選民登記上面嘅電話,都應該逐步停用,日後改用太空咭
  3. 開始考慮搬屋

當然,呢啲都只係盡人事。如果你係區議會(第二)嘅選民,如果你無乜親友喺中國,無申請回鄉卡之類證件,你暫時無乜好驚,因為中國當局都無嘢可以做你。如果你係選委或傳統功能組別選民,我建議你同中國保持距離好啲。

發表迴響

你的電子郵件位址並不會被公開。 必要欄位標記為 *