搏懵已成習慣

本來今天想寫一寫食評,因為中區SOHO開了一段日子的Gourmet Burger Union,所做的漢堡飽,無論茄汁、漢堡肉、配菜都很不錯,吃得很滿意又不貴,本來大力推薦。

不過有件事,令我卻步了,要批評一下,那是信用咭簽賬限制問題。

香港的銀行早前己經講明,只要商戶表明接受信用咭,任何金額的交易都要接受,而且不可以作出任何形式附加費,不過,Gourmet Burger Union店員見我用信用咭付賬,就說:「公司規定,要吃滿一百元才能用信用咭。」

我感到很離譜,便有禮貌地回應她:「銀行規定,不可以對信用咭簽賬作限制。」

那位店員大概感到我是刁民,便悻悻然接受我用信用咭。但這可以見到日常生活中,經常見到這些擺明不守規矩,要賺到盡的商人,試問香港怎可能不興起反商情意結?Gourmet Burger Union已是中產食肆,也是這模樣,平日中下階層受什麼氣,估都估到。

13 thoughts on “搏懵已成習慣

  1. 呢幾日聽朋友講番碌咭煩事~

    因為電視播完話碌咭唔可以收手續費,
    佢間鋪有客買野,話要碌咭買,
    我朋友照常講話要加收3%,

    個客就嘈啦,話點解要收? 我可以投訴你個喎!!
    之後我朋友講解番比佢聽:
    我地哩件貨先賺得你$50,
    銀行收0左我$60既手續費架…我唔收既話,我要蝕$10架

    我朋友又係咪搏緊懵?

  2. 搏緊懵

    香港銀行手續費係一回事,但個Merchant同Bank之間嘅合約,係唔准收呢挺手續費。全世界,係得香港收呢挺手續費。

  3. 我唔清楚果個「唔准收呢挺手續費」係合約定指引啦,好,就當係合約先~

    商店無理由會倒貼俾你,結果當然會加返價,最多就現金俾有折扣。

    去到咁既地步,對你呢位使用信用卡既顧客,有分別嗎?

  4. 現金有優惠,都係唔得。

    如果認為信用咭手續費唔合理,商戶唔想倒貼,一係唔好俾人碌咭,做生意要貨真價實,係基本上原則。

    當然我知香港啲銀行都唔係好人。

  5. 我聽聞如果產品原價係$100、標價$103,咁賣俾人碌咭就唔會在標價以外收再有額外收費;然後,俾現金的話,商戶平番三蚊俾人,先至唔算犯規…
    係唔係咁既呢?

  6. 我唔係好明, 手續費每個交易銀行收3%手續費, 收得你60$手續費已經係講緊成二千蚊既交易, 咁都話只係賺50$會蝕做, 到底咩生意條數會咁計???唔通做二千蚊生意唔預人地會用信用咭??
    其實商戶可以用信用咭收費係佢直接用緊銀行服務去做生意, 一係商戶當成本mark高個價去賣, 一係就唔好用呢個銀行服務, 有冇現金優惠就商戶自理, 咁咪清清楚楚, 我都覺得做生意貨真價實係重要.

  7. 以我所知,工聯會的業餘進修中心,使用非工聯信用卡報讀課程是要多付3%手續費,職員稱是「卡公司所收」。

  8. 基本上,工聯會已經唔講得上「打工仔的團隊」,工聯會仲無良,無中銀咭推銷,無所不用其極。

  9. 我覺得係個別銀行搵老襯。

    在美國﹐有部份小型店鋪要求購物超過十美元先至可以使用信用卡。不過另外一個極端情況就係﹕你也可以用信用卡在麥當勞買飽﹐更可以在郵局買郵票﹐找數銀碼隨時都會低過五美元。

  10. 我喺”日本城”買嘢, 又喺要買滿一百元先可以簽信用卡噃, “實惠”好似又喺, 咁可唔可以同佢吵呢?

  11. To 林太:

    當然可以要求日本城同實惠收回呢挺硬膠規矩,佢地仲惡過發卡機構?

  12. 未睇你篇文前, 仲以為每個商舖都有權自己訂定可以簽卡嘅最低消費額, Thanks! 但喺唔淨止我一個, 真喺好多人都唔知噃(起碼我啲老友們都唔知)!

發表迴響

你的電子郵件位址並不會被公開。 必要欄位標記為 *