微信-min

用 微信 紅包,你想俾中國共產黨監控就去喇

雖然端傳媒玩完,某程度係同端傳媒果種睇唔起香港人有密切關係,但左膠係唔知死字點寫,甚至仲要搵藉口踩香港人,陳牛話香港人唔知乜嘢文字有價概念,仲要暗捧乜嘢 微信 紅包之類嘅垃圾服務。

用 微信 紅包打賞你就返去早抖

我諗我呢度係文字有價嘅先行者,將文章Monetization,唔係中國行先,係西方行先,而且自己用Wordpress起個shop有幾難,我睇唔到有幾難,喺Let’s encrypt已經廣泛普及嘅世代。我呢度都以文章收錢咗一段時間,我遲吓都會再寫番paywall文補貨,呢度好多讀者買文都唔係講立場,係講內容,唔該陳牛唔好亂咁踩香港人,單係呢種態度,左膠已經同端傳媒都唔會再得到香港人同情,呢啲態度,等同屌票。

我乜嘢micropayment平台都用,包括保安上有啲保留HSBC Payme,但我絕對唔用 微信 紅包,因為 微信 喺保安上,係有極大問題,一個連日常對話都無point to point encryption,留有backdoor俾政府嘅所謂messenger軟件用嚟做micropayment?用果個固然係傻嘅,攞嚟收錢果個,亦係對你啲讀者嘅私隱唔負責任,所以,我重申我呢度嘅立場,市面大部分嘅micropayment platform我都會試,如果讀者有更好建議,我都歡迎,但 微信 ,呢度絕不接受,亦唔會嘗試,只要騰訊公司堅持留backdoor俾中國當局,我就無試嘅理由,一如呢度,係唔會接受支付寶嘅餘額轉帳一樣。

如果由messenger演變成嘅micropayment,或P2P付款平台,我個人係睇好whatsapp,因為whatsapp係做好晒點對點加密,係廿四小時都點對點加密,之後依家至研究搞付款平台, 微信 果種係未學行先學走。而且對中國人嚟講,用 微信 真係lesser evil choice,銀行網上轉帳勁麻煩(果啲USB數碼證書真係⋯⋯),市面偽鈔太多,所以至用 微信 或支付寶,但我個人嚟講,大家要「打賞」,香港大把穩陣嘅平台,駛鬼 微信。

發表迴響

你的電子郵件位址並不會被公開。 必要欄位標記為 *