電車-min

電車 中環翻側:有乜可能原因

一架 電車 ,喺中環HSBC總部門口翻側, 電車 出軌有時都會發生,但 電車 翻側係好罕見。但作為經常使用果段路 電車 嘅人,我諗呢單意外,有可能有政治成份,亦可能有工程施工上嘅疏忽,係有必要作出仔細調查,因為呢種事故堅係罕見。

電車 係巴黎市政府營運

電車 今日嘅股東構成係比較奇特,因為依家 電車 係由Régie Autonome des Transports Parisiens所擁有,簡單嚟講,就係巴黎市政府,呢個亦係點解佔領期間, 電車 唔投訴佔領有問題嘅問題,巴黎係巴黎公社嘅發源地,如果霸佔路面都好嘈,唔係香港人出嚟嘈,而係巴黎市民拆咗巴黎市政府都似。所以以依家法中關係咁緊張,而RATP近年有咁多香港 電車 車輛交俾中國公司去搞,會否涉及政治報復,呢樣最好查清楚。我諗好多人都唔知,香港市中心居然出現由巴黎市政府經營嘅公共交通系統。當然,呢個亦因為香港雙層電車,對巴黎解決交通問題好有潛力,亦係法國佬買香港 電車 嘅原因,簡單嚟講,係一個實驗平台嚟。

中環HSBC總行對開一段微斜嘅德輔道中,其實經常有 電車 路軌維修嘅情況,掘路有如家常便飯,咁成個掘路過程裡面,係唔係當中有嘢未執乾淨或清楚,令 電車 喺下斜路面行駛果吓出事,甚至有人亂拋垃圾,路軌有啲唔尋常阻礙物,導致翻側意外,呢啲都要問清問楚,因為香港 電車 行駛咗咁耐,無乜理由出現呢啲翻側事故。仲要呢幾年喺法國政府主政下,香港 電車 公司大規模升級訊號、路軌、供電系統同埋列車,電車行駛係更快更平順,至少好過以往九倉年代,果堆十世都唔升級嘅電力系統、訊號系統以及老爺rolling stock。所以呢件事並唔尋常,一定要有公正嘅機構,要將成件事查個水落石出。

仲有一樣嘢,曾經有退休公務員向城規會入紙取消 電車 ,究竟果位仁兄喺邊個財團資助下作出呢啲膠規劃申請,一直都無人去查清楚,依家係時候查清楚,或者果單奇怪規劃申請背後嘅金錢利益關係,有可能同呢次意外一啲潛在成因直接相關。成件事充滿X檔案味道,值得追到底。

發表迴響

你的電子郵件位址並不會被公開。 必要欄位標記為 *