網媒-min

網媒 嘅中國夢:不切實際

端傳媒同香港01有個最唔同嘅地方就係,端傳媒目標係做放眼大中華嘅 網媒 ,即係想同時服務中國、台灣等地市場嘅 網媒。作為一個只向講香港語文嘅人服務嘅 網媒 嘅角度,我只能講呢個目標過於天真,亦唔會賺到任何錢,相反,更加無公信力。

中國人並唔配有 網媒

要做一個有深度嘅 網媒 ,受眾一定有理性討論嘅習慣,如果成班友慣咗係互劈,真係收錢嘅五毛,同自帶五分別唔大果陣,任何有深度傳媒都唔會帶嚟真正有深度嘅討論,大家睇facebook翻牆果啲人係乜人嚟,十個有九個都同啲流氓無分別,唔好講呢班友有無消費力,呢班友長期喺你個facebook度搞屎搞尿,都已經令個community做唔起,咁你仲認為可以賺到廣告收入?你真係咪玩喇。某程度上,一啲唔認真睇內容嘅五毛黨,正係殺傷 網媒 嘅凶手之一﹐呢啲五毛,既唔會click,亦唔會消費,更加會share大榴槤呢啲,中共可能一蚊維穩費都駛俾嘅垃圾污染你嘅newsfeed,所以中國好難有所謂有深度嘅 網媒 ,膚淺嘅讀者群,其實係有源由。

其實facebook又好,google又好,已經識得按來自IP國家嚟訂廣告收益指標,香港一向只係比美、澳、日三國稍低,但係比台灣以至好多東南亞國家嚟得高,甚至中國嘅traffic根本係唔值錢,因為當中原因係大家心照,中國有無呢個消費力,而閱聽人嘅質素去到乜層次,甚至當中涉及嘅網絡欺詐嘅程度有幾高,其實Facebook同Google等公司係心裡有數,所以,Facebook同Google實際上都唔係咁急開拓中國市場果陣,你走去急急發所謂大中華 網媒 夢咪盞做炮灰。所以,我一直唔招待五毛,亦唔會為咗所謂中國市場,所以連用字都改埋,堅持用香港語文寫評論,甚至係香港市場優先,係有我嘅原因。當然,如果大家得閒share我啲文去你啲美加澳嘅朋友,就更加好喇。

如果你想做以中國市場為本嘅「優質 網媒 」,呢個夢同建設民主中國一樣艱難。其實真係有質素嘅讀者,係會自己睇香港口味嘅嘢,一如以往中國人睇香港電視同報紙一樣。做好自己,就等於做咗中國市場。

發表迴響

你的電子郵件位址並不會被公開。 必要欄位標記為 *