高靜芝-梁粉-min

清除 高靜芝 ,新政府方有前途

林鄭月娥組班有困難,呢個係人所共知嘅事實,而其中一個困難嘅根源,當推梁振英喺人事問題上一啲僭建結構,例如 高靜芝 呢啲中央政策組嘅人,應該只係就政策提供研究意見,但竟然有人事決定權,簡直係荒謬到頂點。

高靜芝 呢啲垃圾係攞石頭打自己隻腳

其實梁振英一直以嚟,無法喺泛民招降納叛,用親都係馮煒光、狄志遠呢啲過期垃圾嘅原因,就係梁振英為確保政府百分百喺自己掌控之下,所以任何人事任命,連諮詢組織任命都要問過 高靜芝 ,而 高靜芝 俾親啲建議,都係玩近親繁殖,啲諮詢組織由英國人年代嘅行政吸納政治,變咗純粹係擊落共匪米格機用嘅啦啦隊,呢啲政府仲有鬼政治能量,政治負能量就有佢份。

而中央政策組,喺彭定康年代,一般用啲特邀顧問,四出收風,但依家你睇果堆特邀顧問係乜嘢人,簡單嚟講都係狗屎垃圾嚟,狄志遠、黃伯康(forever wrong,即係黃永)、顧敏康呢啲,你覺得佢地可以提供到準確民情俾你個政府,咪玩喇。北京一直當中央政策組係心戰室,但實情係,中央政策組係收風室,心戰室一啲唔會浮上水,你班友唔明,收風室當心戰室用,又要變咗中國大清帝國式果啲內閣大學士式玩法,但用果啲,又係邵善波呢啲一直靠又紅又專,明明美國一等名校畢業,都要講嘢成副共產黨咁嘅樣嘅仆街主管中央政策組,唔死就出奇。所以,清除 高靜芝 ,係顯示林鄭月娥唔係撕裂2.0,同梁振英劃清界線嘅決心,如果林鄭月娥係有心搞好同泛民嘅關係,係成個中央政策組大清洗,將邵善波、 高靜芝 、王卓祺,以至嚟自中國嘅學者趕出中央政策組,回復中央政策組喺英治年代嘅凝聚唔同派系共識嘅功能,做唔到彭定康年代嘅水平,都至少做到曾蔭權爵士年代嘅水平,否則中央政策組只會繼續凝聚負能量,根本係乜都唔駛做落去。

如果俾著我搞中央政策組,我真係唔介意連本土同港獨派(當然唔好熱普城)都委任為特邀顧問,至少有一個對話空間,一如彭定康果陣,都邀請民建聯總幹事鄭艾倫做全職顧問,雖然鄭艾倫都算得上一個人嚟,喺陳文敏事件企喺泛民嘅一事。只不過,林鄭月娥都係有英國護照,而無英國人嘅政治手腕。

發表迴響

你的電子郵件位址並不會被公開。 必要欄位標記為 *