敘利亞-毒氣-min

中國幾時喺 敘利亞 問題得到應得報應

敘利亞 相關嘅新聞,通常都睇到人好火滾,因為阿薩德政權係人渣無人性,好似 敘利亞 政府對付反對派據點,竟然用到化學武器,呢啲行為簡直令人髮指。阿薩德政權,比候賽因政權,以及卡達菲政權更加有必要除之而後快。

中國幾時喺 敘利亞 問題上得到報應

阿薩德政權可以存在至今,因為每次聯合國安理會要郁手,俄國同中國一定運用常任理事國否決權,包庇呢個人渣政權。雖然我反對恐襲,但俄國被恐襲都唔係百分百值得同情,俄國喺 敘利亞 做過乜嘢事,大家心照。普京應該知道,做咗賤嘢係要找數,當然,俄國亦都知道條數係要找嘅,至少我未見過俄國要扮晒同情。

只不過,中國係另一回事, 敘利亞 啲人搞到咁慘,又似俄國要食恐襲,又唔似歐洲要食難民,究竟中國做埋啲傷天害理嘅決定,駛唔駛付出代價,定係依家只係時辰未到?如果中國人認為日中戰爭期間,日本皇軍黑太陽731搞細菌戰同化學戰係人渣,咁 敘利亞 呢啲人渣行為,中國人唔係更加要反對嘅咩,但大家睇,依家中國政府同阿薩德根本係蛇鼠一窩,呢個政權竟然可以抽水唔駛負任何道德責任,真係一啲天理都無。

點解張翠容呢啲左膠會被人高度鄙視,因為美國只要做錯少少嘢,呢班仆街都會大大聲,但俄國同中國包庇嘅 敘利亞 阿薩德政權,你呢班左膠去晒邊,我今日睇咗成日facebook newsfeed,好多左膠都喺我friend list度,呢班左膠無人出過聲,隨時大大聲鬧爆 敘利亞 阿薩德政權果個,係我呢個原籍印尼嘅英國籍大右派,我真係對呢班左膠嘅道德標準,感到嘆為觀止。

點解左膠令人厭惡,因為呢班友根本只係重新包裝過嘅共產黨,自己做乜都正義,對手做乜都邪惡,所以 敘利亞 政府出化學武器無人出聲,喺中大,由選舉舞弊到搞全民公投要DQ書院選出嘅代表會成員,你講得出最黑暗果啲,佢地都有齊,同中共完全係一X樣。如果左膠真係講到自己咁大愛,就一早聲討中國同俄國政府包庇 敘利亞 政府嘅人渣行為,甚至成班友拉隊去中國外交部駐港特派員公署度抗議。可惜,呢班左膠,只不過係一班中國人,甚至俄國人。

One thought on “中國幾時喺 敘利亞 問題得到應得報應

  1. > 阿薩德政權,比候賽因政權,以及卡達菲政權更加有必要除之而後快。

    呢樣我又要提提,候賽因都用過化武攻擊庫德族既。

發表迴響

你的電子郵件位址並不會被公開。 必要欄位標記為 *