數據中心-min

數據中心 :解決社區就業其中一個方法

雖然我唔支持林鄭月娥做特首,但作為IT業界人士,如果俾我要同林鄭月娥講建議,點樣解決天水圍等地方嘅就業問題,我嘅睇法好簡單,喺承諾優先聘用香港人前提下(輸入契丹人就收工喇),吸引Amazon、Facebook同Google喺新界三個唔同地點興建數據中心(如果阿里巴巴同騰訊肯都唔拘,天水圍或北區可以考慮),解決社區就業問題。

數據中心 對香港社會整體好處

Amazon、Facebook同Google喺香港設立 數據中心 ,當然最立竿見影嘅好處係香港做Server Administrator嘅人才,會立即得到消化,如果銀行裁出嚟啲IT人未至於太虧果啲,都會有就業機會。而唔少IT人改為喺新界返工,亦紓緩咗部分去市區返工嘅壓力,依家香港嘅交通pattern喺一個萬佛朝中嘅形態,實在太唔健康。

但另一方面,香港有唔少依賴網嘅行業,速度亦得到提升,好似我依家咁,點解要用Amazon Cloudfront作為CDN,因為Amazon Cloudfront係喺香港有data node,相對快啲,但由於S3果啲datacenter唔喺香港,所以Pull Zone就快,但Push Zone就慢,呢點就十分之明顯。

但更重要係好多App以至手機遊戲,其實佢地好需要喺香港嘅 數據中心 ,點解唔少手機遊戲侷住喺台灣為本,因為台灣有大型Google數據中心,而香港無,Google喺香港有 數據中心 ,同無 數據中心 已經係兩回事,喺Android平台嘅app,好需要Google Cloud Platform嘅支援。而Facebook喺香港有數據中心嘅話,一啲涉及Social Media Marketing嘅工作,特別涉及data intensive work果啲,亦會得到實際嘅好處。所以林鄭月娥搵到地解決三大公司嘅 數據中心 問題,就仲有啲可能搏到政績。

如果iProA果啲粉腸又講前海兩個字,我嘅回應係,你班撚樣返去前海仆街喇,你要擦中共鞋你嘅事,唔好扮晒代表香港IT業界。

發表迴響

你的電子郵件位址並不會被公開。 必要欄位標記為 *