冥鏹-min

焚燒 冥鏹 陋習應該結束

喺清明節,好多人仲焚燒 冥鏹 俾先人。呢種陋習除咗每年搞出唔少山火,真係「多謝燒山」之外,其實焚燒 冥鏹 陋習仲有好多問題,我唔認為要出動政府去禁止嘅,只不過,如果老一代仲唔意識到有問題,咁立法禁止焚燒 冥鏹 可能係遲早問題,而且好難用宗教自由呢理由做辯解。

焚燒 冥鏹 污染環境,製造陰間通脹

首先,喺陽間嘅角度,焚燒 冥鏹 本身已經大量製造懸浮粒子,呢種空氣污染,正常潮濕嘅清明節還好,好似今日咁乾燥,或者重陽節,就真係多謝你。而近年中國嘅假貨劣貨越嚟越多,用鉛作為 冥鏹 嘅材料都夠膽死,搞出唔少人有鉛中毒嘅問題,單係由禁止鉛中毒同空氣污染嘅理由,已經可以用公共衛生嘅凌駕性理由,禁止喺公共或者未有適當排污裝置嘅地方進行焚燒 冥鏹 嘅活動。

仲有,大家見到冥通銀行嘅紙幣面額係大到離晒大譜,其實冥通銀行紙幣嘅印製者,係有番啲經濟學常識,陽間係咁亂咁燒啲紙幣入去,陰間唔通貨膨脹就有鬼,hell bank note 究竟下面仲會唔會有鬼收,真係一個好大嘅疑問。由一個膠角度去分析,呢種匯款行為實際上唔係幫先人,而係累先人,影響先人喺下面嘅生活水準,咁何必呢?其實有啲經濟學常識,都知焚燒 冥鏹 係製造陰間惡性通脹,由於陰陽唔通,所以陰間可能實行咗「匯款管制」,你唔知啫。

喺陽間都開始電子化嘅年代,如果老一代堅持要「匯錢」俾祖先,其實食環署最好喺墳場整個「冥通ATM」,大家篤個冧把入去邊個墳位,然後出張收據方便俾先人睇可能係最好表達心意,一方面同老人家講,其實佢已經做咗嘢,完全乾淨又快脆又保證收到,你話你燒俾某某某啫,但唔知陰陽之間有無劫案,但電子「冥通ATM」暫時唔多可能有劫案,政府或者華人永遠墳場管理委員會只不過整個網站,再整部機同printer,就可以令先人心安理得。甚至要整得再像真啲,可以跟埋個墳墓有張有Smart Card嘅ATM Reader,做到好似真嘅ATM一樣,點都好過係咁焚燒 冥鏹 ,整出一連串問題。而且都算係向老人家推廣電子理財。

發表迴響

你的電子郵件位址並不會被公開。 必要欄位標記為 *