田北俊-殖民-min

田北俊 一語道破殖民真相

田北俊 喺眾新聞搞嘅活動上面,一嘢講咗一樣嘢,契丹唔會搞廿三條,但會試圖喺經濟上全面操縱香港,等香港人嘅經濟同生活各方面,都被契丹資本嘅財團操縱。呢個江系嘅殖民圖謀, 田北俊 作為一個生意人出身嘅政治人,比好多本土派都睇得嚟得通透。

田北俊 難得清醒

田北俊 係商界中難得清醒,因為 田北俊 係自由黨裡面少數無投資契丹嘅人,所以佢可以挺直腰骨講嘢,唔同部分親商界政客,可能喺契丹投資一大堆嘢,真係後悔都太遲。而本土派,亦未必講到 田北俊 果種論述,因為所謂本土派,受到太多黃毓民同陳雲嘅污染,呢兩個人對香港本土運動嘅嚴重傷害,係必須清理。陳雲係左膠底,所以左膠有嘅問題,佢都有,而黃毓民根本係有私心,為咗救自己嘅大仔同私心利慾出賣香港,黃毓民呢個前國民黨人對香港嘅罪過,不下於土共,以及荒謬到力挺警察嘅幫會。要突破中共嘅殖民,係必須喺經濟上著手,經濟殖民比政治殖民仲有效,經濟上殖咗民,你政治上獨咗立都無用,而爭取經濟上嘅獨立,係人人都可以做得到。

台灣可以某程度上做到獨立,除咗有本土農業之外,仲有,台灣有一批愛台灣嘅商人,你唔同意台灣果種華人官商勾結結構都好,台灣呢批愛台灣,堅拒唔投資契丹嘅商人,某程度上係台灣可以抵抗契丹經濟殖民嘅資本。所以,香港必須建立一個「愛香港」經濟體系,喺各方面都要避免幫襯契丹資本企業,或同契丹人合謀嘅企業,除非係政府政策迫到你去幫襯佢地。喺購物方面,我會恢復番唔幫襯屈臣氏政策,幫襯真正香港人嘅小店,係一個大方向,連店員都唔請契丹人果啲小店,係最好。至少日用品上面,番梘可以自己做,其實仲好過果啲唔知邊度嚟嘅化學品,唔可以自己做,亦無必要再益大財團。

當然,有啲財團係相對本土,都可以支持吓,但長遠嚟講,要令啲鋪頭業主餓死,香港人有自己嘅經濟網絡,大財團等佢地攬住契丹一齊爆,同埋香港嘅小店經濟,要透過互聯網步向國際。當然唔容易,因為契丹人喺Ebay等地玩爛咗個場,大家知,但都要盡力去試。殖民既成事實,反殖就係義務。

2 thoughts on “田北俊 一語道破殖民真相

發表迴響

你的電子郵件位址並不會被公開。 必要欄位標記為 *