種票-min

土共 種票 越種越膠

廉署展開大規模拘捕行動,拘捕大批涉嫌收咗錢喺IT功能組別 種票 嘅人。高志森立即喺facebook暗指係教協,我覺得教協可以直接煮佢重米告佢誹謗,同呢啲土共客氣都多餘。廉署呢次大規模,我估計連針對iProA都唔係,而係針對 ITJC 呢個一直被認為參與 種票 嘅組織。

土共 種票 騎呢度爆燈

iProA過往都有參與唔少 種票 行為,只不過,iProA 種票 都仲有少少技巧,畢竟 iProA 仲有我呢挺麻煩友,以及一啲有身份嘅人做Council Member,太膠係唔得。但 ITJC 就沒有最膠,只有更膠,連一個活佛搞嘅世貿聯合基金總會呢啲膠到無朋友嘅組織都可以同 ITJC 互換會籍,你覺得 ITJC 呢個連瀏覽佢嘅網站, Safari 都會彈出惡意網頁警告嘅膠組織,係唔係一個專業嘅IT組織,我相信公眾自有定論

種票-ITJC-min
種票-ITJC-min

功能組別,其實應該早日廢除,因為功能組別選舉,既唔公平,亦極其硬膠,呢啲透過會籍漏洞嚟 種票 嘅情況,更係十分之唔理想,但中聯辦呢班友,除咗玩騎呢嘢,我唔知佢地識啲乜,所以,我相信依家要做,係唔准互換返嚟嘅會籍可以喺功能組別度投票,同埋應該廢晒ITJC會員喺資訊科技界功能組別嘅投票資格。當初iProA爭取IT界功能組別,仲有少少理由,因為好多做e-commerce或.com果啲都係IT人,同埋IT界有唔少無考過專業試,但技術好勁嘅業界高手,所以iProA嘅存在,某程度上係necessary evil,如果傳統功能組別仍然未廢除嘅話。但ITJC已經係徹頭徹尾嘅怪物,業界亦唔歡迎呢啲聚集一大堆唔係IT人,唔知邊個星球出嚟嘅人做會員嘅機構成員都可以有權投票,呢場鬧劇應該早日結束。

仲有一樣嘢,呢個ITJC依家會長係邱達根,而ITJC成日同團結香港基金搞活動,我相信係董系組織嚟,而且有可能喺嚟緊嘅HKIRC選舉上搞事,所以大家要睇住呢班膠人。香港IT界本來應該有好發展,呢班土共係咁搞是搞非,我個人覺得已經好飽,係時候掃呢班友出門。

發表迴響

你的電子郵件位址並不會被公開。 必要欄位標記為 *