St.Petersburg-min

St.Petersburg 爆炸案教導我們什麼?

喺4月2日,新加坡後港地鐵站發現一個無人看管行李箱,警方立即封鎖地鐵站,之後發現個行李係一位中國遊客嘅行李,新加坡政府之後以公眾妨擾罪拉咗果條友。點解新加坡政府對一個無人看管行李咁緊張,俄國 St.Petersburg 嘅爆炸案,就話大家聽發生咗乜事。

St.Petersburg 嘅恐襲話俾大家聽啲乜

St.Petersburg 地鐵嘅爆炸案,根據初步資料顯示,係由遙控炸彈搞出嚟,咁乜嘢遙控炸彈最適合回教恐怖分子喺地鐵站使用,咁梗係無人看管行李,只要行李裡面有一個簡單嘅2G電話,然後收到來電即爆,咁就大功告成,至於個電話點嚟,係可以偷番嚟,因為恐怖分子只不過唔想被人捉到實際執行恐襲果條友。喺伊斯蘭國陷入劣勢果陣,伊斯蘭國會避免實施自殺式炸彈襲擊,以保留具經驗同實力嘅人實施襲擊,以圖東山再起。就算係以往嘅伊斯蘭國人肉炸彈,其實都係搵啲俘虜嘅細路,或者已經被洗咗腦嘅卒仔攞佢地啲仔女去實施,好似巴格達迪呢啲人渣,有幾何真正攞自己條命去恐襲,呢啲回教恐怖分子,從來都係講一套做一套,同中共喺海外果啲「僑領」一樣。所以,喺伊斯蘭國陷入劣勢果陣,任何無人看管行李,都可能係一件炸彈。新加坡本身就係恐襲熱門地點,所以啲中國人亂留行李,搞到全國虛驚一場,唔告你公眾妨擾罪,唔通多謝你條友提供演習機會?好不幸, St.Petersburg 就遇到真炸彈,雖然我個人都唔鍾意俄國,但無可否認一點係,俄國喺反恐上面,確係同西方國家企喺同一陣線,因為回教極端分子一直係俄國嘅敵人,縱使喺對住格魯吉亞上,俄國好奇怪咁,竟然為咗對抗同樣信奉東正教嘅格魯吉亞,走去同回教國家同民族結盟。

所以喺西方,甚至喺香港,只要見到有無人看管行李,都應該提高警覺,甚至應該報警,因為無人看管行李,往往係恐襲手段,無論日本、新加坡、聖彼德堡,甚至倫敦都會係一樣。如果中國人唔改自己亂放無人看管行李嘅陋習,被人誤會係恐怖分子仲被人拉埋唔好怪人,因為呢個問題無講笑空間。

發表迴響

你的電子郵件位址並不會被公開。 必要欄位標記為 *