選民登記-選委-min

選民登記 失竊事件越解越似X檔案

裡面有全香港 選民登記 資料嘅手提電腦失竊事件,越解越解唔到簽,總選舉主任話因為曾經有唔係選委嘅選民入去投票會場,所以要用一部有全香港選民資料嘅電腦查核,呢個答案簡直係狗屁不通,去到X檔案嘅級數,係唔係政府要禮聘莫探員同郭探員查案。

選民登記 查詢系統個logic有幾難寫

要防止唔係選委嘅選民入去搏懵,首先,領取選票果陣,都係對住選委登記冊嘅printed version刪名,所以無乜可能唔係選委嘅選民可以入去搏到懵,就算唔用printed version,以我三腳貓嘅database programming skills,都諗到應該點做:

  1. 在投票前一日,手提電腦上program向總選民登記冊作一個Query,查詢有選委身份嘅選民清單
  2. 下載符合Query條件嘅選民登記資料,並且offline
  3. 票站主任見到選民,輸入身份證資料,進行核實查詢
  4. 如果可以喺download咗offline query result,搵到符合身份證號碼,便派發選票,或獲准進入票站,否則就踢條友出街

乜個邏輯好複雜咩,雖然好多SQL語法我都生咗銹(唔好叫我寫個 php + MySQL program出嚟,我唔識寫㗎),但呢啲基本邏輯,我都仲係知道,而且呢啲邏輯嘢,喺dbase、FoxPro年代都學過,你選舉事務處越解越解唔通,點解要帶一部有晒全港市民選民登記資料嘅電腦通街走。理論上,唔計在囚人士,每個選區要download嘅資料做法都應該大同小異,因為香港係唔容許跨票站投票,選民只能喺指定票站投票,特首選舉得一個票站,就更加無呢個問題。立法會選舉可能有跨區去錯票站問題,都應該係喺offline query result裡面not found果條友,就唔派選票,最多搵部連咗互聯網嘅電腦,幫選民查詢佢應該去嘅正確票站。

呢件事,越解越似X檔案,好明顯呢個政府做緊一啲古惑嘢,甚至有心令呢兩部電腦失竊,否則點可能密室唔見電腦?你政府不如同我講,係火星人吸走咗部電腦算吧。

One thought on “選民登記 失竊事件越解越似X檔案

發表迴響

你的電子郵件位址並不會被公開。 必要欄位標記為 *