直布羅陀-min

為 直布羅陀 一戰?文翠珊嘅政治意志嘅考驗

BREXIT 搞出膠出嚟, 直布羅陀 前問題令人關注,有人提出,為咗 直布羅陀,要不惜同歐盟一戰。當然, Michael Howard呢個建議,派膠成分好重,美國都會制止呢件膠事發生,北約內戰呢啲膠事就咪玩,土耳其同希臘互片都未到英國同西班牙。但香港人,有必要留意呢件事嘅發展,英國對 直布羅陀 嘅態度,可以反映英國想「恢復帝國昔日光榮」意志有幾強。

直布羅陀 都玩軟嘅,香港人要兩手準備

英國對 直布羅陀 置於不理,表面上係無理由,除咗 直布羅陀 嘅戰略位置, 直布羅陀 多次透過公投,顯示對英國嘅忠誠,連 直布羅陀 「國慶日」 ,都係第一次公投顯示對英國公投果日嚟,加上 直布羅陀 有完整嘅民主,英國放棄 直布羅陀 係一啲理由都無,唔同香港有班民主回歸派嘅傻仔,呢班傻仔好多人都未向香港人道歉。

但現實政治係,英國曾經同 直布羅陀 推銷英西兩國共享主權方案,係 直布羅陀 憎西班牙佬憎到一個點,一如香港人憎中國人憎到一個點一樣,所以公投被否決,依家英格蘭人不負責任,咁首相要應付英格蘭人嘅「小英格蘭夢」,放棄 直布羅陀 ,定係班英格蘭人係要捍衛直布羅陀立場,喺BREXIT談判不惜擺出不惜一戰態度,呢個意義遠比2019年恢復英國護照顏色為傳統嘅深藍色,而唔係依家嘅歐盟紅色,就變成一個大家要注目嘅一點。

如果英國立場係放棄 直布羅陀 ,香港應該尋求歐盟國家喺香港事務扮演更大角色,甚至係BNO同香港BC喺BREXIT談判上,企喺歐盟一邊更重要。反之,如果英國立場係為 直布羅陀 強硬嘅立場,香港嘅BNO應該儘速更新,喺英國嘅BC同BNO都應該登記做選民,同埋擺出支持政府嘅立場,因為有機會英國喺香港問題上恢復對中國強硬,恢復「帝國嘅歷史光榮」,當然,香港嘅英籍人士應該顯示對英國嘅忠誠,果啲一面投共,一面揸英國護照嘅撚樣(對我嚟講,呢班pro-communist British 確係 dickhead 嚟),就唔該退出英國國籍,如果佢地講到咁痛恨帝國主義。當然我更有興趣關景鴻嘅國籍,佢幾時執咗間移民顧問公司,並且做個堂堂正正嘅中國人咁?

One thought on “為 直布羅陀 一戰?文翠珊嘅政治意志嘅考驗

  1. 係咪呢, 有決心同意志還拖, 企出來講數都似樣啲啦.
    打就雙方都唔想架啦, 尤其是西班牙, 本身窮窮地, 點會學人又燒錢又死人?
    目前來講, 英西關係其實算好, 而西班牙保持同英國友好, 急起上嚟借些少有得傾. 😀

發表迴響

你的電子郵件位址並不會被公開。 必要欄位標記為 *