明報-BNO-關景鴻-fake news-min

明報個別記者要放 BNO 假新聞放到幾時?

BNO 係中聯辦以及移民律師嘅最痛,我相信大家都知,特別近年 BNO 行使居歐權嘅人越嚟越多,同埋 BNO 本身可以講係正宗香港人嘅身份證明,所以親共報導定期發放關於 BNO 不實消實。好似今日明報頭條果篇,顯示 BNO 申領人數大升,就明顯係例。

BNO 申請人數大升,有政治問題,亦有實務需要

香港人攞 BNO 人數大升,當然當中有政治認同問題,好多人唔想認同契丹係事實。呢個係一個政治認同嘅失敗問題。但亦有實務嘅因素,中國大使館同香港入境處喺保護香港人表現上之差,大家有眼見,相反,持 BNO 港人,好多人係因英國護照,喺英國使館保護下脫險,你估香港人仲傻到信你啲fake news嘅政治宣傳。況且,居歐權行唔行使到,唔係我黃世澤自己講,而係好多香港人自己申請,成功行使相關權利,喺歐洲係有相當數量嘅 BNO 居留,德國駐港使館近年十分之高調抽水,一改德國使館只做經貿事務作風,其實亦同德國 BNO 居留及入籍人數越嚟越多有關。

果篇訪問最令我火滾係引用契丹殖民專家關景鴻果啲講法,竟然講得出:「關指,BN(O)是旅遊文件,持有人沒有英國籍,如要申請海外留學,須用顯示中國公民身分的特區護照申請。(http://news.mingpao.com/pns/dailynews/web_tc/article/20170402/s00001/14910687069330」呢句係誤導言論,係fake news, 關景鴻憑乜9up?

今年一月葉真真就香港人申請退出中國國籍數字急升嘅訪問,(http://news.mingpao.com/pns/dailynews/web_tc/article/20170102/s00002/1483293373317,我唔落hyberlink,唔想益明報),最後果段就係問關景鴻,而關景鴻幾擦契丹佬鞋,呢個簡直眾所周知。我依家有理由質疑, 關景鴻係有利益上衝突(因為人人揸 BNO ,佢仲駛食)。我認為明報應該收番呢段報導,或者葉真真出嚟解釋一吓段新聞點搞,否則我認為可以公開視明報由葉真真寫嘅關於 BNO 嘅報導係fake news,我唔排除親自喺明報論壇版撰文,以正視聽。

而關景鴻呢個人,我建議加拿大政府對呢條友作出調查好,佢近年處理咁多契丹人個案,呢啲人係唔係人渣,大家心照。

(關於FCO密件,將會喺四月中發放,屆時所有登記人,會給予bno.martinoei.com嘅用戶名同密碼。日後 BNO 相關文章及審查申請,會喺 bno.martinoei.com 中央處理,我考慮緊搞 BNO 續證相關workshop,專搞一啲棘手個案)

One thought on “明報個別記者要放 BNO 假新聞放到幾時?

  1. 唔報到咁都得….
    我去美國做嘢,用H1B,都係用BN(O)做所有嘢。而我到呢一分鐘,都無申請過去或擁有過特區護照。

發表迴響

你的電子郵件位址並不會被公開。 必要欄位標記為 *