候任特首辦秘書長-min

TSA 嘅鬥爭 : 候任特首辦秘書長效忠邊個 – 假如 John 當選我們嘅特首聯合連載 4

理論上,TSA 相關嘅問題,係應該先搵一搵 候任特首辦秘書長 去處理,呢個人可以講係未來嘅特首辦常任秘書長,好似依家特首辦常任秘書長劉焱,就係本來 候任特首辦秘書長 轉過去,咁樣做就可以最平穩過渡。 只不過,呢個做法有個假設,就係 候任特首辦秘書長 係可以維持到政治中立。

候任特首辦秘書長 效忠邊個

梁振英係一個搞政治鬥爭嘅專家嚟,佢喺3月20日做咗一個進可攻,退可守嘅決定,就係搵咗原任郵政署長丁葉燕薇做 候任特首辦秘書長 ,呢個人唔單只個樣同林鄭月娥好鬼似,你會懷疑佢係林鄭月娥嘅影武者,而且佢係林鄭月娥果一黨人,如果林鄭月娥當選, 候任特首辦就可以開turbo展開工作,但如果曾俊華當選,就可以對曾俊華嘅施政起掣肘作用。而好不幸,依家係後者。

理論上,要約現任特首進行首次會面,並且為政權交接進行工作會議等安排,係要搵 候任特首辦秘書長 展開安排,其實阿Sir已經內定由阿聰擔任候任特首辦主任,因為好多政治上嘅嘢,都係由阿聰負責,而且由退任官員去擔任候任特首辦主任,亦未必適合未來應付各類惡鬥。特首辦主任作為大內總管,係由一個長期同司長合作嘅人去做比較適合。但今日第一日梁振英都係咁俾啲屎阿Sir嘆,都未有時間正式同阿聰傾 候任特首辦主任嘅問題,所以阿Sir叫阿聰非正式咁搵丁太,傾吓未來可以點樣配合。阿聰所以打咗電話俾丁太,希望約見傾吓未來點樣一齊做嘢:

「請問丁太喺唔喺度?」
「我係丁太,請問你係邊位?」
「我係阿聰,阿Sir果面嘅人。」
「你好阿聰,請問有乜可以幫到你。」
「我想約個informal meeting,傾吓候任特首辦點運作?」
「我想問,依家邊個係候任特首辦主任?」
「依家我地內容都仲傾緊邊個做,但想件事快啲進行,所以大家出嚟飲杯咖啡傾吓咁。」
「阿聰,你都知我係公務員嚟,無正式Memo講阿John邊個做主任之前,我諗呢種會面,其實唔係太方便嘅。不如咁,你叫阿John快啲決定邊個係主任,再約一個正式會面大家傾,快啲嚟冠君大廈辦公更好,我們都等緊你。」

呢啲公務員嘅太極功架,真係唔係講笑,三扒兩撥已經顯出一副唔合作嘅態度。阿聰唯有就約丁太嘅問題,同阿Sir匯報,第一日準備交接,已經出現重重困難。

==

聯合連載去到明天就結束,後天開始要去:https://ifjohnwereource.martinoei.com/

發表迴響

你的電子郵件位址並不會被公開。 必要欄位標記為 *