泛民-min

TSA 嘅鬥爭 : 拘捕 泛民 來者不善 : 假如 John 當選我們嘅特首聯合連載 3

當阿Sir啲幕僚忙緊應付TSA而嚟嘅問題果陣,一直信奉與人鬥,與天鬥,其樂無窮嘅毛澤東哲學嘅梁振英,並無諗住俾新政府抖吓,甚至想新政府同泛民嘅關係惡化。喺中午,有份參與佔中嘅幾位 泛民 中堅,包括有份支持阿Sir上台嘅戴耀庭教授等等,都收到警察總部嘅電話,話將會用普通法下嘅公眾妨擾罪,拘捕佔中相關嘅人。而阿聰喺中午左右,就收到嚟自 泛民 選委嘅電話,問佢發生乜嘢事,係唔係借 泛民 過橋,打完齋唔要和尚。

由於出現突發情況,新特首辦公室嘅核心幕僚,喺中午一點返到合和中心三十五樓,就最新形勢交換意見。

「阿聰,你點睇佔中啲人被捕呢件事。」
「其實CY同西環嘅目的都好清楚,就係要離開新政府同泛民之間嘅關係,等我們難做,一定要依靠呢班人嘅支持。所以,我們一定要好小心,唔單只要打電話安撫 泛民 啲人,仲要向外面講明一個信息,就係現任政府應該依家就開始同市民休養生息。」
「阿聰,咁照你嘅講法,你去同泛民溝通。不過,我睇唔只呢件事,我諗未來呢幾個月,大家都要有心理準備,打一場硬仗。依家嘅政府,高層唔會同我們合作。七月之後,都會有好多手尾要執。」

阿Sir其實對呢班極左派嘅不合作作風,唔係乜都唔知,喺1995年至1997年6月,阿Sir係肥彭嘅私人秘書。當時,由於中英兩國政府喺彭定康政改方案上不歡而散,北京決定另起爐灶,大搞臨時立法會,當時如果唔係陳方安生穩住咗政府內部運作,同埋曾蔭權呢位財政司得到北京高度信任,相信回歸果一刻,一早炒咗粉。所以阿Sir諗到呢度,就一面愁容,佢唔單只要做財政司司長期間,要同CY呢班友拗手瓜,就算好唔容易贏咗特首選舉,都仲要面對呢班友嘅負隅頑抗。

阿聰跟咗阿Sir咁耐,睇到阿Sir嘅表情,佢都知發生緊乜事,佢只係講咗一句:「我們過去兩個月,對方用乜茅招都捱得過去,阿Sir,相信我們可以過埋呢幾個月,為香港同其他同事,帶嚟一個新嘅開始。」阿Sir聽完後,搭一搭阿聰嘅膊頭:「我們係唔會輸,一定會做得到。」

係一個極度來者不善嘅情況下, TSA 變成咗新舊政府談判嘅其中一個戰場。

發表迴響

你的電子郵件位址並不會被公開。 必要欄位標記為 *