HKIRC-min

HKIRC 變成中聯辦搞屎場

HKIRC 本來已經唔叫管治得好, HKIRC 嘅管理程式差到一個點,domain費用又貴,喺SEO又唔係十分之有優勢嘅情況下,好多人都唔用 .hk 嘅域名,因為好多時用到火都嚟。(我連 Godaddy 都覺得頂唔住,用 HKIRC 會打爆機)。只不過, HKIRC 未有被政府濫用嚟打壓言論自由,因為 HKIRC 依家八位董事裡面,由服務商同用戶組成嘅一半董事都係泛民勝出,可以頂住政府四席董事。

邱達根應該交代 HKIRC register 咁多會籍搞乜

只不過,中聯辦要搞亂香港,係全方位嘅,依家就將魔爪伸到互聯網域名登記。喺 HKIRC 董事改選在即,被查出邱達根相關公司,大量註冊域名,安插大量幽靈會員,然後想攞走 HKIRC 選舉董事席位。

邱達根話佢自己唔選 HKIRC 董事,唔代表會呢條友唔會安插中聯辦啲馬仔去選董事,呢啲根本係語言偽術,IT界果啲親共走狗,由葛珮帆、楊全盛、洪為民、譚偉豪,到你呢件邱達根,邊個唔係用埋呢啲不乾淨手段嚟上位。喺IT界相關嘅政治遊戲玩得越耐,就越知道呢啲友仔係仆街到無朋友,所以我好相信,中聯辦以及一眾梁粉為咗打壓香港互聯網言論自由,一定千方百計想控制 HKIRC ,縱使好多人已經唔再 register .hk嘅域名,因為 HKIRC 嘅管治完全無法配合依家域名市場嘅趨勢。

我呼籲 HKIRC 會員,今年董事大會一定要投票,同埋特別要小心果啲由石頭爆出嚟嘅董事候選人,果啲候選人十之八九都會係鬼嚟,要查吓呢啲契丹究竟係為乜公司打工,因為香港太多唔係堅係做IT,但又攞住IT嘅招牌呃飯食嘅契弟。

但長遠嚟講, HKIRC 係要改革,除咗唔應該再有政府委任嘅董事之外,HKDNR 已經變成咗一個與民爭利嘅怪物,同埋依家 .hk嘅註冊費用係貴到唔合理,當然依家真係 domain cheap無朋友嘅年代,可以一美金都唔駛一個 domain果陣, .hk 憑乜嘢收人兩舊水一年,呢個根本係迫香港啲企業改用 .com 嘅域名,鼓勵創新,我真係想講,鼓勵你老母就有香港政府份。

發表迴響

你的電子郵件位址並不會被公開。 必要欄位標記為 *