林鄭月娥-組閣-min

林鄭月娥 組閣何以難:小人當道 賢人難求

林鄭月娥 依家最忙一定係組緊閣,只不過, 林鄭月娥 已經自己喺度話組閣難。我都相信, 林鄭月娥 要成功組內閣有相當難度,點解 林鄭月娥 組閣難,除咗眾所周知嘅性格問題之外,更大問題係,依家黐住 林鄭月娥 都係一堆小人,你覺得賢能之士會嚟?真係咪講笑。

林鄭月娥 討好土共嘅代價

大家睇 林鄭月娥 個競選團隊,其實就好知道發生緊乜嘢事,唔計一大堆已經過咗氣嘅大公關,跟住係成堆土共做助選顧問,高級顧問之類,跟住又用埋李律仁、何民傑、李俊霖呢啲投機分子,呢啲唔講政治忠誠,只講政治利益嘅仆街,根本係一堆小人嚟,唔駛用西方智慧,用最中國膠嘅智慧,儒家嘅智慧,你君主身邊都係一大班雞鳴狗盜之輩,你覺得賢能之士會想整污糟自己隻手,有損自己嘅清譽加入你 林鄭月娥 個團隊,真係咪玩喇。所以 林鄭月娥 只能喺一堆垃圾裡面左揀右揀,仲要呢班垃圾隨時有機會喺任內被廉政公署拘捕果隻,因為呢班友嘅核突程度,真係超越五年前果班梁粉,果班梁粉都仲話有啲真心膠。

相反,曾俊華如果當選,有啲人可能喺中聯辦阻撓下入唔到政府,包括最核心果幾位,但明知曾俊華未必大機會當選嘅情況下都入曾俊華團隊果啲,好多反而係真心有能力,至少係認同善政、善治呢個目標,個團隊反而有機會有期望。至少新聞統籌專員由羅永聰做,已經好過依家馮煒光好多。如果新聞統籌專員係由戴健文做,我個人都仲收貨,我同戴健文合作過,呢個人係一個有商有量嘅人,係少數我認為值得留喺林鄭月娥政府嘅人,如果繼續由馮煒光條仆街做,大家真係隨時見到政府果啲硬膠宣傳,已經想一拳打爆馮生個頭。梁振英政府有幾個核心人渣,除咗馮煒光,仲有張志剛,如果 林鄭月娥 無講明會移走呢啲核心人渣,林鄭月娥唔好話由泛民招攬人士,係有啲腦袋嘅人,都唔會加入呢個政府,免得整污糟自己隻手。

個廚房過去廿幾年都係咁熱,呢個唔係廚房熱唔熱嘅問題,呢個世界好多工作都喺一個比廚房更熱嘅地方進行。如果 林鄭月娥 用人受中聯辦制肘,我真係只能夠祝你好運,希望日後你飛少啲file。

發表迴響

你的電子郵件位址並不會被公開。 必要欄位標記為 *