直布羅陀-BREXIT-min

直布羅陀 問題:反映英格蘭人做決定唔負責任

首相簽咗BREXIT嘅啟動信函後,歐盟亦列出談判指令,有一項指令令我感到極到難以接受,就係俾西班牙干預未來 直布羅陀 嘅事務。作為一個因香港緣故而成為英國人嘅人,諗起香港當年嘅處境,我覺得呢個係簡直係強姦 直布羅陀 嘅安排,亦反映咗,英格蘭人做BREXIT決定果陣,係何其不負責任,一大堆惡果浮現果陣,我唔知我國政府,最後如何體面咁樣收拾殘局。

直布羅陀 會被西班牙強姦係用腦都諗得到嘅問題

直布羅陀 既然公投留英,理論上,西班牙唔應該不斷意圖強姦當地民眾,將佢地過時嘅強國春秋大夢,強加於幾萬 直布羅陀 人身上。但好明顯,西班牙人一直都唔尊重住民自決嘅價值,甚至為咗自己強加於加泰隆尼亞、巴斯克嘅統一,因此令蘇格蘭入歐盟困難重重。其實我懷疑歐盟之所以不顧尊重住民自決價值嘅重要性,都要答應西班牙呢個霸王硬上弓嘅安排,很可能因為要喺蘇格蘭同北愛入歐盟嘅問題上作出妥協,反正加泰隆尼亞同巴斯克唔一定公投脫西,但蘇格蘭留歐,以及為咗北愛唔再成為歐洲恐怖主義溫床,北愛喺歐盟可能享有特殊地位,呢啲嘢如果西班牙讓步,換到個 直布羅陀 返嚟,其實係相當之抵食夾大件,或者咁講,又一個英國海外屬地,因為英國本土一啲政客嘅不負責任決定成為犧牲品,只不過,1984年係香港當災,2017年係 直布羅陀 當災。我個人並唔希望,班友只係答 直布羅陀 人已經享有英國公民身份,就可以因此過骨,唔係個個 直布羅陀 人都想離開世代住嘅地方,走去移民英國本土嘅。

如果BREXIT其中一個爭拗點,其實就係所謂大部分人嘅利益,係唔係可以凌駕至一個,可以犧牲少數人嘅利益到一個不顧後果嘅層次。Nigel Farage呢條仆街,佢其實唔係搞UKIP,佢只係搞EIP(England Independence Party),England要獨立都唔緊要,只不過,如果英格蘭搞獨立搞到其他聯合王國成員都受到重大損失果陣,咁UKIP呢班闖咗禍嘅友仔,又可以俾啲乜補償俾北愛、蘇格蘭同 直布羅陀 。一如當年為拉攏中國抗蘇犧牲咗香港,呢啲數係害死好多人好多代,呢班友知唔知自己要負責任㗎?

2 thoughts on “直布羅陀 問題:反映英格蘭人做決定唔負責任

  1. On the contrary, 係唔係可以犧牲大部分聯合王國人嘅利益, 到一個不顧後果嘅層次?
    人地打你, 點解你唔可以還拖?
    談判係有可能成功, 家陣唔見得英國同歐盟有乜深仇大恨, 只係歐盟係都要當英國臭四啫

發表迴響

你的電子郵件位址並不會被公開。 必要欄位標記為 *