TSA-吳克儉-min

TSA 嘅鬥爭 : 提早揭開嘅陰謀 – 假如 John 當選我們嘅特首聯合連載 2

向教育局高層對 TSA 存廢嘅睇法,擺咗喺李淑儀身上,李淑儀退休前係食物及衛生局嘅常任秘書長,啱啱好係依家教育局副局長楊潤雄嘅前上司,雖然官場有云,鐵一般嘅衙門,流水一樣嘅官,但呢啲舊同事之間嘅關係,多少係有幫助。更何況李淑儀知道,楊潤雄其實一直都好想喺新政府留任做問責官員,甚至更上一層樓。李淑儀要就 TSA 問題問一問楊潤雄嘅意見,應該無乜嘢大問題。李淑儀call咗電話俾楊潤雄,楊潤約亦好爽快,喺兩點左右就出咗喺金鐘太古廣場間Starbucks Reserve見面。

TSA 變成政治工具

楊潤雄一見到李淑儀,就己經講「恭喜阿Sir同你,阿Sir終於當選做特首。」
「Kevin,多謝晒,呢場仗打得好辛苦,真係唔容易。有啲好彩。」
「係呢,Sandra,呢次因乜事咁急搵我,尋晚打選戰抖都唔抖,就搵我呢個舊部下嚟聚舊咁。」
「Kevin,真係實不相暪,係咁,你都知5月4日要考 TSA ,而阿Sir好想落實到競選承諾,叫停今屆嘅 TSA ,以你所睇可能性有幾大?」
「Sandra,果然阿Sir係阿Sir,呢啲應承咗無票嘅市民做嘅事都唔甩拖。但我睇,要Eddie停 TSA 似乎無乜可能。」
「Kevin,點解你咁講?」
「Eddie今日返到office,成日口黑面黑,因為佢知道,阿Sir當選,教育局局長一定唔係佢做。而成個政府跟開CY啲人,都似乎想做啲嘢,唔想阿Sir接手接得咁順利。」
「點樣做嘢嘢,令阿Sir接得唔多順利。」
「例如繼續硬嚟 TSA ,或者搵其他嘅事,令到阿Sir好尷尬,未正式宣誓就任就已經民望好低。所以我睇,五月場 TSA 係考硬,甚至我想講,阿Sir應該要提防CY,喺呢幾個月係咁玩佢,玩到佢謝為止。你都知,CY無嘢叻,將啲權用到最盡,佢敢認第二,都唔敢認第一。」
「Kevin,我真係無睇錯你,你果然係醒目,而且係有服務香港人嘅心,我相信,我們未來一定好似以往喺食衛局果陣咁拍住上嘅。」

喺Starbucks咖啡果陣,李淑儀已經將她由教育局副局長收到嘅訊息透過Whatsapp傳俾阿Sir,但與此同時,喺警察總部,已經喺咁打電話俾泛民嘅要人,CY全方位要曾俊華尷尬嘅行動已經出場,而梁振英嘅招數,當然唔只一招 TSA 咁簡單嘅。

發表迴響

你的電子郵件位址並不會被公開。 必要欄位標記為 *